સ્માર્ટફોનને લઇને રોજ કોઇ ને કોઇ ખામી સામે આવી રહી છે અને હવે એક એવી ખામી હોવાનું જાણવા મળ્યું છે કે જેના કારણે તમારો સ્માર્ટફોન સંપૂર્ણપણે ઠપ થઇ જશે.
આ ખામીને એન્ડ્રોઇડના ડિસેમ્બર-ર૦૧૯ના બુલેટીનમાં ફિકસ કરવામાં આવી છે.
એન્ડ્રોઈડ ફોનમાં આવી મોટી ખામી
ગૂગલે 'CVE-2019-2232' ને ખતરનાક ગણાવી
લાખો ફોન ગમે ત્યારે થશે ઠપ
ગૂગલે ખામીને ખતરનાક ગણાવી
ડિસેમ્બર-ર૦૧૯ના એન્ડ્રોઇડ સિકયોરિટી બુલેટીનમાં મુખ્યત્વે ત્રણ ખામીનો ઉલ્લેખ કરાયો છે, તેમાંથી એક ખામીને ગૂગલ દ્વારા અત્યંત ખતરનાક હોવાનું જણાવાયું છે. ગૂગલે આ ખામી અંગે ખુલાસો કરતાં જણાવ્યું છે કે આ ખામીનો ફાયદો ઉઠાવીને હેકર સિંગમ મેલાઇસ મેસેજ ક્રિએટ કરી શકે છે અને તેના પર સંપૂર્ણપણે 'ડિનાયલ ઓફ સર્વિસ' એટેક કરી શકે છે.
આ ખામીને 'CVE-2019-2232' એવું નામ અપાયું
ડિસેમ્બર-ર૦૧૯ના એન્ડ્રોઇડ બુલેટીનમાં આ ખામીને 'CVE-2019-2232' એવું નામ આપવામાં આવ્યું છે. એવું જણાવાયું છે કે આ ખામીને એક્ટિવેટ કરવા માટે કોઇ યુઝર ઈન્ટર એકશનની જરૂર નથી અને તેનાથી એન્ડ્રોઇડ સ્માર્ટ ફોનને નુકસાન થઇ શકે છે. આ નવી ખામીને કારણે લાખો મોબાઇલ ડિવાઇસીસ પ્રભાવિત થઇ શકે છે.
આમ નવી ખામીને જે વાત સૌથી વધુ ખતરનાક બનાવે છે તે એ ડિવાઇસીસની સંખ્યા છે કે જેના પર તેની સીધી અસર થઇ શકે છે. ગૂગલના જણાવ્યા અનુસાર 'CVE-2019-2232'ની અસર એ સ્માર્ટફોન પર થઇ શકે છે, જે એન્ડ્રોઇડ ૮.૦, એન્ડ્રોઇડ ૮.૧, એન્ડ્રોઇડ-૯ અથવા એન્ડ્રોઇડ-૧૦ પર કામ કરે છે. એન્ડ્રોઇડ દ્વારા તેને ફિકસ એન્ડ્રોઇડ ઓપન સોર્સ પ્રોજેકટ (એઓએસપી)ને આપવામાં આવેલ છે અને યુઝર્સના સ્માર્ટ ફોન સુધી આ ફિકસ આવતાં હજુ સમય લાગશે.