કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચેની મેચમાં આંદ્રે રસેલે બેટિંગ અને બોલિંગ બંનેમાં કમાલ કરી બતાવી અને બે મોટા રેકોર્ડ પોતાને નામ કર્યા.
કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે હતી મેચ
આંદ્રે રસેલે બેટિંગ અને બોલિંગ બંનેમાં કરી કમાલ
રસેલે 28 બોલ પર 49 રન બનાવ્યા
IPL 2022ની 61મી મેચમાં આંદ્રે રસેલે ધમાલ મચાવી. સનરાઈઝર્સ હૈદરાબાદ અને કોલકાતા નાઈટ રાઈડર્સ વચ્ચે રમવામાં આવેલ મેચમાં આંદ્રે રસેલ બોલ અને બેટ બંનેમાં સફળ રહ્યા. રસેલે આ મેચમાં પહેલા ધમાકેદાર બેટિંગ કરી અને પછી ઘાતક બોલિંગ કરી ટીમને જીત અપાવી. રસેલે આ મેચમાં 2 મોટા રેકોર્ડ્સ પણ પોતાને નામ કર્યા.
રસેલે IPLમાં રચ્યો ઈતિહાસ
આંદ્રે રસેલે સનરાઈઝર્સ હૈદરાબાદ સામે 28 બોલ પર 49 રન બનાવ્યા. રસેલે આ ઇનિંગમાં 3 ચોક્કા અને 4 સિક્સર ફટકારી. આ સાથે જ રસેલે આઈપીએલનાં ઈતિહાસમાં સૌથી ઝડપી 2000 રન પણ પૂરા કર્યા. તેઓ આઈપીએલનાં સૌથી ઓછા બોલમાં 2000નાં આંકડા સુધી પહોંચનાર પહેલા બેટ્સમેન છે. આંદ્રે રસેલે 2000 રન માત્ર 1120 બોલમાં જ પુરા કર્યા છે. આ પહેલા આ રેકોર્ડ વીરેન્દ્ર સેહવાગને નામ હતો. તેમણે સૌથી ઓછા 1211 બોલમાં આ કારનામું કર્યું હતું.
SRH સામે બોલિંગમાં પણ કરી કમાલ
આ મેચમાં આંદ્રે રસેલે શાનદાર બોલિંગ કરી. તેમણે 4 ઓવરમાં 22 રન આપીને 3 વિકેટ મેળવી. આ સિઝનમાં તેમની હવે 17 વિકેટ થઇ ચુકી છે. આ પ્રદર્શન બાદ રસેલ આઈપીએલનાં ઈતિહાસમાં એવા ખેલાડી બની ગયા છે, જેમણે 4 આઈપીએલ સીઝનમાં 250થી પણ વધારે રન 10થી વધારે મેળવી છે. રસેલે આ મામલામાં જેક કેલીસને પણ પછાડ્યા છે, તેમણે 3 વાર આમ કર્યું હતું.
KKRની શાનદાર જીત
આ મેચમાં કોલકાતા નાઈટ રાઈડર્સનાં કેપ્ટન શ્રેયસ અય્યરે ટોસ જીતીને પહેલા બેટિંગ કરવાનો નિર્ણય લીધો હતો. કોલકાતા નાઈટ રાઈડર્સે પહેલા બેટિંગ કરતા 177 રન બનાવ્યા. કેકેઆરે હૈદરાબાદને જીતવા માટે 178 રનનો ટારગેટ આપ્યો હતો, જે હૈદરાબાદ ટીમ પૂરો ન કરી શકી. સનરાઈઝર્સ હૈદરાબાદ 20 ઓવરમાં 123 રન જ બનાવી શકી.