ખેતરમાં મજૂરી કામ કરનારા એક ખેડૂત પિતાની 16 વર્ષીય દીકરી એક દિવસ માટે જિલ્લા કલેક્ટર બની હતી. આંધ્રપ્રદેશના અનંતપુર જિલ્લાના કસ્તુરબા ગાંધી બાલીકા વિદ્યાલયમાં અભ્યાસ કરનારી એમ સરવાણી ગર્લ્સ સેલિબ્રેશન ડેના દિવસે એક દિવસની કલેક્ટર બની હતી.
ખેતરમાં મજૂરી કામ કરનારા શ્રમિકની દીકરી બની એક દિવસીય જિલ્લા કલેક્ટર
પીડિત મહિલાને 25 હજારનું અપાવ્યું વળતર
નગરજનો તથા કલેક્ટર ઓફિસના કર્મીઓએ કર્યા વખાણ
ઉલ્લેખનીય છે કે, તેણીનું નામ કલેક્ટરની ખુરશી પર બેસવા માટે લોટરી સિસ્ટમથી નક્કી કરવામાં આવ્યું હતું. આ લોટરી જિલ્લા કલેક્ટર કાર્યાલયમાં મીડિયા મારફતે જોડાયેલા લોકોની સામે કાઢવામાં આવ્યું હતું. જિલ્લા કલેક્ટર ગંધમ ચંદ્રડૂએ બાલિકા ભવિષ્ચતૂ કાર્યક્રમ લોન્ચ કર્યો છે. આ કાર્યક્રમનો હેતુ સમાજમાં છોકરીઓને આદર આપવો અને તેના હકો આપવા અંગે લોકજાગૃતિ લાવવાનો છે.
કલેક્ટર બનનારી એમ. સરવાણઈએ કહી મોટી વાત
એક દિવસીય જિલ્લા કલેક્ટર બનનારી એમ. સરવાણઈએ કહ્યું કે, આપણે જાનવરોની દેખભાળ કરવાનું અને આપણી આસપાસના વિસ્તારને સાફ-સફાઇ કરવાનું ભૂલી ગયા છીએ.
પીડિત મહિલાને અપાવ્યું 25 હજારનું વળતર
આપને જણાવી દઇએ કે, એમ. સરવાણીએ કામ દરમિયાન એક ફાઇલ આપવામાં આવી હતી જેમાં એક મહિલાને 25 હજારનું વળતર આપવા સંબંધિત હતી. આ મહિલા SC/ST એક્ટ હેઠળ પીડિતા હતી. સરવાણીએ સમગ્ર ફાઇલનો યોગ્ય રીતે અભ્યાસ કર્યો અને તેના પર હસ્તાક્ષર કર્યા હતા. તેણીના આ કાર્યને કલેક્ટર કચેરીમાં હાજર તમામ લોકોએ બિરદાવ્યું હતું.
મહિલાઓને લઇને કર્યો મોટો આદેશ
સરવાણીએ એક એવી ફાઇલ ઉપર પણ હસ્તાક્ષર કર્યા જેમાં રાજ્ય વહીવટી તંત્ર દ્વારા એવો આદેશ આપવામાં આવ્યો છે કે, જે પણ મહિલાઓ સ્થાનિક કાર્ય સિવાય નોકરી રહી રહી છે તેવી મહિલાઓે રાતે 8થી સવારે 8 સુધી કોઇપણ ઓફિશિયલ કામ કરાવી શકાશે નહીં.