ઐતિહાસિક નિર્ણય / દેશમાં પ્રથમ વખત રાજ્ય સરકારમાં એક-બે નહીં પરંતુ હશે 5 Dy.CM

આંધ્રપ્રદેશનાં મુખ્યમંત્રી જગનમોહન રેડ્ડીએ કેબિનેટ વિસ્તાર અને પહેલી કેબિનેટ મીટિંગનાં એક દિવસ પહેલાં પાર્ટી ધારાસભ્ય દળની બેઠક કરી. વાઇએસઆર કોંગ્રેસ પાર્ટીનાં મુખિયા જગનમોહન રેડ્ડી પોતાની પાર્ટીનાં ધારાસભ્ય દળની બેઠક અમરાવતીનાં પાર્ટી કાર્યાલયમાં કરી રહેલ છે. આ બેઠકમાં નવનિર્વાચિત ધારાસભ્ય (એમએલએ) અને એમએલસી શામેલ છે. આંધ્રપ્રદેશનાં મુખ્યમંત્રી જગનમોહન રેડ્ડીએ પોતાની કેબિનેટમાં તમામને જગ્યા આપવા માટે અને સંતુલન બનાવવાની કોશિશ કરી રહેલ છે.

પ્રદેશનાં મુખ્યમંત્રી જગનમોહન રેડ્ડીની નવી સરકારમાં પાંચ ઉપમુખ્યમંત્રી હશે અને શનિવારનાં રોજ તેઓ શપથગ્રહણ કરશે. કેબિનેટ વિસ્તાર બાદ શનિવારનાં રોજ બપોરનાં 11:49 કલાકે જ જગનમોહન રેડ્ડી પ્રથમ કેબિનેટ બેઠક કરશે.

YSRCP MLA Mohammed Mustafa Shaik: There will be 5 Deputy Chief Ministers in Andhra Pradesh cabinet. The Deputy CMs will be one each from Scheduled Caste, Scheduled Tribe, Backward Castes, Minority and Kapu community pic.twitter.com/sseMzcLbyi

— ANI (@ANI) June 7, 2019

આ પહેલા વિધાનસભા ચૂંટણીમાં શાનદાર જીત હાંસલ કર્યા બાદ 30મેનાં રોજ જગનમોહન રેડ્ડીએ મુખ્યમંત્રી પદની શપથ લીધી હતી. તેઓએ એકલા જ શપથગ્રહણ લીધી હતી. આંધ્રપ્રદેશ વિધાનસભાની 175 સીટોમાંથી જગનમોહન રેડ્ડીની પાર્ટી વાઇઆરએસ કોંગ્રેસે 151 સીટોં પર કબ્જો જમાવ્યો. ત્યારે તેલુગુ દેશમ પાર્ટીને અંદાજે 23 સીટો અને જનસેના પાર્ટીને માત્ર એક સીટથી સંતોષ કરવો પડ્યો. આ સિવાય કોંગ્રેસને સંપૂર્ણ રીતે હારનો સામનો કરવો પડ્યો. આ સિવાય લોકસભા ચૂંટણીમાં પણ જગનમોહન રેડ્ડીની પાર્ટીને જબરદસ્ત જીત હાંસલ થઇ. રાજ્યની 25 લોકસભા સીટોમાંથી 22 સીટો પર વાઇઆરએસ કોંગ્રેસ પાર્ટીએ કબ્જો જમાવ્યો.