વિધાનસભા ચૂંટણી / આંધ્ર પ્રદેશમાં ઉમેદવારે મતદાન બૂથમાં EVM મશીન તોડ્યું

લોકસભા ચૂંટણી માટે મતદાન શરૂ થઈ ચૂક્યુ છે ત્યારે આંધ્રપ્રદેશમાં EVM મશીન તોડવાનો એક કિસ્સો સામે આવ્યો છે. આંધ્રપ્રદેશમાં મતદાન દરમિયાન જનસેનાના ઉમેદવારની દાદાગીરી સામે આવી છે. જનસેનાના ઉમેદવારે મધુસુદન ગુપ્તા દ્વારા દાદાગીરી સામે આવી છે. ઉમેદવાર દ્વારા ત્યાર બાદ ઈવીએમ તોડવામાં આવ્યું.
 
મધુસુદન ગુપ્તા મતદાન કરવા માટે મતદાન કેન્દ્ર પહોંચ્યા હતા. ત્યારે કોઈ કારણોસર વિવાદ થતા તેઓનો ગુસ્સો સાતમા આસમાને પહોંચ્યો અને બાદમાં ગુસ્સે ભરાયેલા આ ઉમેદવાર પોતાનો કાબુ ગુમાવતાં અને જોતજોતામાં પોતાનો ગુસ્સો ઈવીએમ પર ઉતાર્યો. મતદાન કેન્દ્રમાં જ તેઓએ ઈવીએમ મશીન તોડી દેતા અનેક સવાલો પણ ઉભા થયા છે. ઉલ્લેખનીય છે કે, મધુસુદન ગુપ્તાએ ગુટી મતદાન મથક પર ઈવીએમ તોડ્યું છે. ત્યારબાદ પોલીસે તેમની ધરપકડ કરી છે.  તેઓ અનંકપુર બેઠક પરથી લોકસભા ચૂંટણી માટે મેદાને ઉતર્યા છે.
 
એક મળતાં અહેવાલ મુજબ વિધાનસભાના ઉમેદવાર મધુસૂદન ગુપ્તા કોઇ વાતથી નારાજ હતા. ત્યારે ગુસ્સામાં અનંતપુરના ગૂટી પોલિંગ બૂથમાં ઇવીએમ મશીન તોડી નાંખ્યું. જમીન પર ઇવીએમ મશીનને નાંખતા ઇવીએમ મશીન તુટી ગયું. જો કે થોડી વાર માટે અફરા-તફરીનો માહોલ જોવા મળ્યો. જો કે આ ઘટના બાદ મતદાન કેન્દ્ર પર હાજર પોલીસ કર્મીઓએ મધુસૂદન ગુપ્તાની ધરપકડ કરી લીધી. 

લોકસભા બેઠકને લઇને મતદાન સાથે દેશના ચાર રાજ્યોની વિધાનસભા માટે પણ મતદાન યોજાઇ રહ્યું છે. જેમાં આંધ્ર પ્રદેશની 175 વિધાનસભા બેઠક, અરૂણાચલ પ્રદેશની 60, સિક્કિમની 32 અને ઓડિશાની 28 વિધાનસભા બેઠક પર મતદાતાઓ મતદાન કરી રહ્યાં છે. આંધ્ર પ્રદેશથી અલગ થયા બાદ 2014માં તેલંગાણા રાજ્યની સ્થાપના બાદ આંધ્ર પ્રદેશમાં પ્રથમ વખત વિધાનસભા ચૂંટણી યોજાઇ રહી છે.