ઇજિપ્તના કૅરો શહેરની બહારમાં વિસ્તારમાં આવેલા કબ્રસ્તાનમાં મોટી શોધ થતા વિશ્વભરના પુરાતત્વ વિભાગમાં ચર્ચાઓ શરુ થઇ છે.
વાત એમ બની છે કે કૅરો શહેરની બહાર સકારા વિસ્તારમાં આવેલા કબ્રસ્તાનમાંથી 59 શબપેટીઓ મળી આવી છે. આ શબપેટીઓ 100-200 નહીં પણ પુરા 2500 વર્ષ જૂની એટલે કે ઇસ પૂર્વે 500-600ની આસપાસની છે.
ધાર્મિક વિધિઓ કરતા વ્યક્તિઓ અને રાજાના ખાસ પ્રધાનોના શબને સાચવવામાં આવ્યા છે
નિષ્ણાતોનું માનીએ તો આ પેટીમાં જે તે સમયની ધાર્મિક વિધિઓ કરતા વ્યક્તિઓ અને રાજાના ખાસ પ્રધાનોના શબને સાચવવામાં આવ્યા છે. નોંધનીય છે કે પ્રાચીન ઇજિપ્તમાં એવું માનવામાં આવતું હતું કે વ્યક્તિનું શરીર તેના મૃત્યુ પછી પણ જીવંત રહે છે. આ માટે રાજાઓ અને મોટા પદે બિરાજતા વ્યક્તિઓના મૃત્યુ બાદ તેમના શરીર ઉપર પટ્ટીઓ બાંધવામાં આવતી. ત્યાર બાદ તે પટ્ટીઓ ઉપર ચહેરા દોરવામાં આવતા અને ખૂબ શણગારેલી શબપેટીમાં તેમને મુકવામાં આવતા.
આનાથી પણ વધુ સંખ્યામાં શબપેટીઓ હોઈ શકે છે
શરૂઆતમાં તો પુરાતત્વ વિભાગને 12 શબપેટીઓ મળી હતી. વધુ શોધખોળ કરતા તેની સંખ્યા 59 ઉપર પહોંચી ગઈ. હવે એવું કહેવાય છે કે આ કબ્રસ્તાનમાં આનાથી પણ વધુ સંખ્યામાં શબપેટીઓ હોઈ શકે છે.
Today at Saqqara. Exciting opening of a 2500 years old coffin lead by Minister of @TourismandAntiq 1 of 59 amazing sarcophagus. Hoy en Saqqara 🇪🇬 excitante apertura de ataúd de 2500 años encabezada x Ministro de Antigüedades. 1de 59 sarcófagos descubiertos @EnEgipto@AABA_Mexicopic.twitter.com/F5YOGPoSlD
શબપેટીઓ ઉપર પ્રાચીન ઇજિપ્તની ભાષામાં વાક્યો લખવામાં આવ્યા છે
આ પૈકીની એક શબપેટીને લાઈવમાં નાગરિકોની સામે ખોલવા આવી હતી. આ શબપેટીઓ ઉપર પ્રાચીન ઇજિપ્તની ભાષામાં વાક્યો લખવામાં આવ્યા છે. નિષ્ણાતોનું માનવું છે કે આ 59 પેટીઓ ભૂતકાળના ઘણા બધા રહસ્યો ઉપરથી પડદો હટાવી શકે છે.