તેલુગૂ સુપરસ્ટાર અને નોર્થ ઇન્ડિયામાં અર્જૂન રેડ્ડીના નામથી ઓળખાતા જાણીતા એક્ટર વિજય દેવરકોંડા એકવાર ફરી ચર્ચામાં છે. ટૂંક સમયમાં તે બોલિવૂડ એક્ટ્રેસ અનન્યા પાંડેની સાથે રૂપેરી પડદે દેખાશે. આ બંને સ્ટાર્સ તેમની અપકમિંગ ફિલ્મ ફાઈટરની મુંબઈમાં શૂટિંગ કરી રહ્યાં છે અને ફરી એકવાર તેમના ફિલ્મની શૂટિંગની એક તસવીર સોશિયલ મીડિયા પર ખૂબ વાયરલ થઈ રહી છે. જે બાદ આ બંનેને સોશિયલ મીડિયા પર ટ્રોલ કરવામાં આવી રહ્યાં છે. જ્યાં કેટલાક ફેન્સ આ જોડીને હોટ કપલ ગણાવી રહ્યાં છે તો કેટલાકે તો અનન્યા અને દેવરકોંડા નામને જોડીને આ કપલને અનાકોંડા નામ આપી દીધું છે.
અનન્યા અને વિજયની તસવીરો થઈ વાયરલ
ફેન્સે કહ્યું આ જોડીને હોટ કપલ
તો કેટલાકે કહ્યું અનાકોંડા
હાલમાં જ આ બંનેની એક તસવીર સામે આવી હતી જેમાં અનન્યા, વિજયની બાઈકમાં આગળની તરફ ફ્યૂલ ટેન્ક પર બેઠી હતી. આ તસવીર ખૂબ વાયરલ થઈ હતી પરંતુ હાલની તસવીર તેનાથી અલગ છે. વાયરલ થઈ રહેલી તસવીરમાં અનન્યા ઊભી છે અને વિજય તેની કમર પકડીને તેને હગ કરી રહ્યો છે. જોકે આ તસવીરમાં અનન્યા અસહજ દેખાય છે.
આ તસવીર આવતા સોશિયલ મીડિયા પર લોકોએ આ તસવીર પર કમેન્ટ કરવાનું શરૂ કરી દીધું અને એક પછી એક ઘણી મજેદાર કમેન્ટ્સ કરવા લાગ્યા. કેટલાક લોકોએ તો અનન્યા અને વિજયના નામને વિરૂષ્કા, દીપવીરની જેમ ભેગા કરીને અનાકોંડા કરી દીધું છે.
તમને જણાવી દઈએ કે, આ ફિલ્મમાં અનન્યા પાંડે અને વિજય લીડ રોલમાં છે. ફિલ્મનું નામ ફાઈટર છે. જે હિન્દી અને તેલુગૂમાં રિલીઝ થશે. આ સિવાય પણ ઘણી ભાષાઓમાં ફિલ્મ ડબ થશે. આ અનન્યાની પહેલી સાઉથ ફિલ્મ છે અને વિજય પહેલીવાર કોઈ બોલિવૂડ એક્ટ્રેસ સાથે કામ કરશે. ફિલ્મને પુરી જગન્નાથ ડિરેક્ટ કરી રહ્યાં છે. કરણ જોહર ફિલ્મને પ્રોડ્યૂસ કરી રહ્યાં છે.
વર્કફ્રંટની વાત કરીએ તો અનન્યા આ ફિલ્મ સિવાય ઈશાન ખટ્ટર સાથે ફિલ્મ ખાલી પીલીમાં પણ જોવા મળશે. આ ફિલ્મ 12 જૂન 2020એ રિલીઝ થશે. જ્યારે વિજય ફિલ્મ હીરો અને ફાઈટરમાં જોવા મળશે.