આર્યન ખાન સાથે અનન્યાની ચેટ સામે આવ્યાં બાદ એનસીબીના અધિકારીઓએ અભિનેત્રી અનન્યાની પૂછપરછ કરી હતી. પ્રથમ દિવસની પૂછપરછ બાદ એનસીબીને મહત્વના પુરાવા મળ્યાં. ત્યારબાદ બીજા દિવસે પણ એનસીબીએ અનન્યાને પૂછપરછ માટે બોલાવી હતી.
NCB ના અધિકારીઓએ અભિનેત્રી અનન્યાની પૂછપરછ કરી
અનન્યા પાંડે NCB ની ઓફિસમાંથી બહાર નિકળી
ડ્રગ્સ કેસ અંગે NCB એ અનન્યાને પૂછ્યા જરૂરી સવાલ
અનન્યા પોતાના પિતા ચંકી પાંડે સાથે અહીં આવી હતી. તો હાલ અનન્યા પાંડે NCB ની ઓફિસમાંથી બહાર નિકળી છે. એનસીબીએ અનન્યા પાંડેની 4 કલાક પૂછપરછ કરી. હવે સોમવારે વધુ પૂછપરછ માટે અભિનેત્રીને બોલાવવામાં આવી છે.
અનન્યા પાંડેની અંદર પૂછપરછ થઇ
અભિનેતા અરમાન કોહલીના મિત્ર બાબુભાઈ કાંચવાલા મુજબ, ચંકી પાંડે અત્યારે એનસીબી ઓફિસ સમીર વાનખેડાની કેબિનની બહાર બેસી રહ્યાં છે. જ્યારે અનન્યા પાંડેની અંદર પૂછપરછ થઇ હતી.
NCB એ અનન્યાને પૂછ્યા મહત્વના સવાલ
ચેટ પરથી સ્પષ્ટ થઇ રહ્યું છે કે તમારા બંને વચ્ચે ડ્રગ્સ ખરીદી અંગે વાતચીત થઇ છે. તમે કેટલી વખત વાતચીત કરી છે ?
ચેટમાં જે ડ્ર્ગ્સની વાતચીત થઇ છે તો તમને કોણ સપ્લાય કરતા હતા?
શું તમે કોઈ પેડલર પાસેથી ડ્રગ્સ ડાયરેક્ટ ખરીદ્યુ હતુ?
જ્યારે પણ ડ્રગ્સ ખરીદ્યુ તો તેની માત્રા કેટલી હતી?
આર્યનની સાથે તમે ક્યારથી ડ્રગ્સ કન્ઝ્યુમ કરો છો?
તમારી સાથે બીજા કોણે ડ્રગ્સ લીધુ છે?
પેડલરને ડ્રગ્સ માટે પૈસા કઈ રીતે ચૂકવવામાં આવતા હતા?
ઈલેક્ટ્રોનિક પેમેન્ટ ટ્રાન્સફર, વોલેટ અથવા કેશ, કઈ રીતે પેડલરને પૈસા ચૂકવવામાં આવતા હતા?
તમે તમારા સપ્લાયર અને પેડલરને કયા લોકેશન પર મળતા હતા?
ડ્રગ્સ ખરીદવામાં જે સપ્લાયર અને મિત્રએ મદદ કરી તેનું નામ જણાવો.
NCB એ અનન્યાના બંને ફોન જપ્ત કર્યા
અનન્યા પાંડે સાથે જોડાયેલી ત્રણ ચેટ જરૂરી છે. 2018 થી 2019ની વચ્ચે આ ચેટ ગાંજાને લઇને થઇ હતી. અનન્યાના બંને ફોન એનસીબીએ જપ્ત કર્યા છે. અનન્યાએ ઘણાં સવાલોનો જવાબ આપ્યો કે તેમને કશું યાદ નથી.