આણંદના કણિયા ગામે ચૂંટણીનો બહિષ્કાર કર્યો છે તો વડોદરાના રાવપુરા અને કારેલીબાગ વિસ્તારમાં 'નો વોટ'ના બેનરો લાગ્યા છે
આણંદના કણિયા ગામે ચૂંટણી બહિષ્કાર કર્યો
અંડરપાસ બનાવવા ગ્રામજનોની માગ
વડોદરામાં લાગ્યા 'નો વોટ'ના બેનર
શાક માર્કેટ ખસેડવા સ્થાનિકોની માગ
ગુજરત વિધાનસભા મતદાનની તારીખો નજીક આવી રહી છે તેમ તેમ રાજકીય માહોલ ગરમાયો છે. આક્ષેપ અને નવિદેનબાજીઓ તેમજ પક્ષ પલટાના પવનો ફૂંકાઈ રહ્યાં છે આ બધાની વચ્ચે ચૂંટણી બહિષ્કારના પણ સૂર ઉઠ્યાં છે. ગઈકાલે વઢવાણ, પેટલાદ, ધોરાજી વિવિધ પ્રશ્નોને લઈ ચૂંટણી બહિષ્કારના સૂર ઉઠ્યા હતા તો આજે આણંદના કણિયા ગામનો ચૂંટણી બહિષ્કાર કર્યો છે તેમજ વડોદરાના રાવપુરા અને કારેલીબાગની વિસ્તારમાં 'નો વોટ'ના બેનરો લાગ્યા છે.
આણંદના કણિયા ગામે ચૂંટણી બહિષ્કાર કર્યો
ચૂંટણી બહિષ્કારના બેનરો સાથે વિરોધ આણંદના કણિયા ગામે થયો છે. જ્યાં વાસદ બગોદરા સિક્સ લેન હાઈવે પર અંડર પાસ કે રોડ ક્રોસ કરવાની વ્યવસ્થા ન હવોથી ગ્રામ જનો પરેશાન થઈ રહ્યા છે. ત્યારે વારંવાર રજૂઆત કરવા છતા પણ સમસ્યા ઠેરની ઠેર રહેતા ગ્રામજનોએ ચૂંટણી બહિષ્કારનો નિર્ણય કર્યો છે. કણિયા ગામ પાસે અંડરપાસ કે કોઈ ક્રોસિંગ પોઈન્ટ ન હોવાથી ગામના લોકોને 2 થી 3 કિ.મી ફરીને જવુ પડે છે. વારવાર રજૂઆત કરવા છતા સમસ્યાનો ઉકેલ ન આવતા છેલ્લા ત્રણ વર્ષથી ગ્રામજનો પરેશાન થઈ રહ્યા છે અંતે કંટાળીને કણિયા ગામના લોકોએ ચૂંટણી બહિષ્કાર કરીને રાજકીય નેતાઓને ચૂંટણી પ્રચાર માટે ગામમાં પ્રવેશવા નહી દેવાનો નિર્ણય કર્યો છે.
વડોદરામાં લાગ્યા 'નો વોટ'ના બેનર
નો વોટના બેનર કોઈ ગામના નહીના બેનેરો વિકસીત કહેવાતા વડોદરા શહેરના રાવપુરા વિસ્તારમાં લાગ્યા છે. કારેલીબાગની 10 સોસાયટીઓમાં વોટ નહીના આવા બેનરો લગાવામાં આવ્યો છે. વિસ્તારમાં ચાલુતુ શાક માર્કેટ અન્ય સ્થળે ખસેડવા સ્થાનિકોની માગ કરી રહ્યા છે. શાક માર્કેટના કારણે રહીશોને ભારે હાલાકીનો સામનો કરવો પડી રહ્યો છે. રજૂઆતો કરવા છતા માર્કેટ અન્ય સ્થળે ખસેડવામાં ન આવતા કારેલીબાગના રહીશોમાં ભારે રોષ જોવા મળી રહ્યો છે. સ્થાનિકોએ અંતે કંટાળીને મજબૂરીમાં ચૂંટણી બહિષ્કાર કરવાનો રસ્તો અપનાવ્યો છે અને રાજકીય પાર્ટીઓના પ્રવેશ પર પ્રતિબંધ લગાવ્યો છે.