અમદાવાદ શહેર પ્રમુખ તરીકે હવે જગદીશ પંચાલની જગ્યાએ અમિત શાહને જવાબદારી સોંપવામાં આવી આજે અમિત શાહ નવી ઓફિસનો વિધિવત રીતે ચાર્જ સંભાળશે
અમદાવાદના પૂર્વ મેયર અમિત શાહને મોટી જવાબદારી
અમિત શાહને અમદાવાદ શહેર ભાજપ પ્રમુખ બનાવાયા
આજે અમિત શાહ ઓફિસમાં વિધિવત ચાર્જ સંભાળશે
ગુજરાત ભાજપે અમદાવાદ શહેર પ્રમુખ તરીકે અમિત શાહની વરણી કરી છે જ્યારે ગાંધીનગર જિલ્લા પ્રમુખ તરીકે અનિલ પટેલની વરણી કરવામાં આવી છે એવું મનાઈ રહ્યું છે કે આ બંને નેતાઓ ગૃહમંત્રી અમિત શાહના નજીકના માનવામાં આવે છે.
પૂર્વ મેયર અમિત શાહને મહત્વની જવાબદારી સોંપાઈ
અમદાવાદ શહેર પ્રમુખ તરીકે હવે જગદીશ પંચાલની જગ્યાએ અમિત શાહને જવાબદારી સોંપવામાં આવી છે મનાઈ રહ્યું છે કે આજે અમિત શાહ નવી ઓફિસનો વિધિવત રીતે ચાર્જ સંભાળશે.મહત્વનું છે કે ગત વિધાન સભાની ચૂંટણીમાં શહેરની 4 બેઠકો પર કોંગ્રેસે વિજય મેળવ્યો હતો ત્યારે હવે ભાજપ તમામ બેઠકો મળેવવા પ્રયાસ કરશે.
સરકાર અને મનપાની શાખ ફરી ઉભી કરવાનો પડકાર
શહેરના નવા પ્રમુખને લોકો વચ્ચે સરકાર અને મનપાની શાખ ફરી ઉભી કરવાનો પડકાર અને કાર્યકર્તાઓને પ્રેરિત કરવાનો પડકાર પણ રહેશ.મહત્વનું છે કે કોરોના કાળમાં સામાન્ય લોકોનો સરકાર સામે રોષ જોવા મળ્યો હતો અને કાર્યકરોમાં નિરાસા પણ ફેલાઈ ગઈ હતી ત્યારે નવા શહેર પ્રમુખ અને પૂર્વ મેયર અમિત શાહ માટે આ પડકારજનક રહેશે. આ તરફ અમિત શાહની શહેર પ્રમુખ તરીકે વરણી થતા તેમના સમર્થકોમાં ઉત્સાહ જોવા મળી રહ્યો છે.
અમિત શાહ શહેર પ્રમુખ બનતા હવે આનંદીબેન જૂથનો સફાયો
આ તરફ અમિત શાહને વારંવાર પ્રમોટ કરાતા કેટલાક કાર્યકરોમાં ભારોભાર નારાજગી જોવા મળી રહી છે કાર્યકરોએ આક્ષેપ લગાવી રહ્યા છે કે અમિત શાહ શહેર પ્રમુખ બનતા હવે આનંદીબેન જૂથનો સફાયો થયો છે. નવા ચહેરાને પ્રમોટ ન કરાતા કાર્યકર્તાઓ અચરજ પામ્યા છે, હવે 16 વર્ષ બાદ ફરીથી શહેર પ્રમુખની જવાબદારી મળી છે ત્યારે એલિસબ્રીજ વિધાનસભા બેઠક પર વર્ચસ્વની લડાઈ જોવા મળી શકે છે આ તરફ અમદાવાદના પ્રભારી ધર્મેન્દ્ર શાહ સાથે પણ કામ કરવાનો પડકારોનો સામનો કરવો પડી શકે છે જ્યારે રાકેશ શાહ માટે પણ અમિત શાહ પડકારજનક સાબિત થઈ શકે છે.
2022 વિધાસભાની ચૂંટણીને લઈ તૈયારીઓ
મહત્વનું છે કે આવનાર વિધાનસભા 2022ની ચૂંટણીઓ પડકારજનક રહેવાની છે ત્યારે ભાજપના મોટા અને સિનિયર નેતાઓને મોટી જવાબદારી સોંપવામાં આવી રહી છે, ત્યારે પૂર્વ મેયર અમિત શાહને શહેર ભાજપ પ્રમુખ બનાવી મહત્વની જવાબદારી સોંપવામાં આી છે. બીજી તરફ ગાંધીનગર જિલ્લા પ્રમુખ તરીકે પણ અનિલ પટેલની વરણી કરવામાં આવી છે.