નજરકેદ / મલેશિયામાં ફસાયેલા આણંદના યુવકોએ કર્યો વીડિયો વાયરલ, સાંસદે સાધ્યો વિદેશ મંત્રાલયનો સંપર્ક

એક વર્ષ પહેલા ત્રણ યુવકો નોકરી માટે એજન્ટ દ્વારા મલેશિયામાં ગયા હતા. ત્યારે હવે આ યુવકોનો એક વીડિયો વાયરલ થયો છે. મળતી માહિતી મુજબ, આ ત્રણે યુવકો એક વર્ષ પહેલાં એજન્ટ દ્વારા રોજગારી માટે મલેશિયા ગયા હતા. જ્યાં તેમને નજર કેદ કરવામાં આવ્યા છે. 

વાયરલ થયેલા વીડિયોમાં તેઓ જણાવી રહ્યા છે કે, નોકરી માટે તેઓ ત્યાં ગયા હતા જ્યાં તેમના બોસે ત્રણેને નજરકેદ કર્યા છે. વીડિયોમાં ત્રણે યુવકો ગુજરાત પાછા આવવા માટે સરકાર પાસે મદદ માંગી રહ્યા છે. જ્યારે આ વીડિયો જોયા બાદ યુવાનોના પરિવારજનો પોતાના વ્હાલ સોયાની આવી હાલત જોઇને ચિંતામાં મુકાયા છે.

આણંદના ત્રણ ગુજરાતીઓ મલેશિયામાં ફસાયા હોવાનો એક વીડિયો સામે આવ્યો છે. આણંદના ત્રણ યુવકોને મલેશિયામાં તેમના બોસએ બંધ બનાવ્યો છે. #Malaysia #India #viralvideo pic.twitter.com/zwHvUdN1L8

— VTV Gujarati News and Beyond (@VtvGujarati) August 8, 2019

સાંસદ મિતેશ પટેલે વિદેશ મંત્રાલયનો સાધ્યો સંપર્ક  
મલેશિયામાં આણંદના યુવકોને બંધક બનાવવાના મામલે VTVના અહેવાલ બાદ આણંદના સાંસદે જહેમત હાથધરી છે. આ અહેવાલ પ્રદર્શિત થતા સાંસદ મિતેશ પટેલ સતર્ક બન્યા છે. સાંસદ મિતેશ પટેલે વિદેશ મંત્રાલયનો સંપર્ક કરવામાં આવ્યો છે. ત્રણેય યુવકોને ભારતીય દૂતવાસ ખાતે સુરક્ષિત પહોંચાડવામાં આવ્યો છે. યુવકો પાછા ફરે ત્યાં સુધી સાંસદ સતત વિદેશ મંત્રાલયનાં સંપર્કમાં છે.