અરેરાટી / આણંદ-વડોદરા માર્ગ રક્તરંજિત બન્યો: વઘાસી ખાતે હીટ એન્ડ રનની ઘટનામાં બે લોકોના કમકમાટી ભર્યા મોત

• આણંદના વઘાસી ખાતે હીટ એન્ડ રનની ઘટના
• હીટ એન્ડ રનની ઘટનામાં 2 લોકોના મોત 
• કાચચાલક અકસ્માત કરી ફરાર 

આણંદથી વડોદરાને જોડતો માર્ગ આજે વધુ એક વખત રક્તરંજિત બન્યો હતો. આણંદના વઘાસી ખાતે હીટ એન્ડ રનની ઘટના બની હતી.  વઘાસી નજીક બેફામ સ્પીડે આવતી કારના ચાલકે સ્ટેરિંગ પરનો કાબૂ ગુમાવી દેતા કારે માર્ગ પરથી પસાર થઇ રહેલા લોકોને અડફેટે લીધા હતા. આ અકસ્માતમાં બે લોકોના કમકમાટીભર્યા મોત નિપજતા માર્ગ મરણચીસોથી ગુંજ્યો હતો. બે માનવ જિંદગીને કચડી કાર ચાલક નાશી ગયો હતો. આણંદથી વડોદરા તરફ જતા વઘાસી પાટીયા પાસે આ કરુણાંતિકા સર્જાઇ હતી. જે અંગે જાણ થતાં 108 એમ્બ્યુલન્સ અને પોલીસની ટીમ તાબડતોબ ઘટનાસ્થળે દોડી ગઈ હતી. પોલીસે મૃતદેહનો કબજો સાંભળી કાર્યવાહી હાથ ધરી છે અને ફરાર કારચાલાકને દબોચી લેવા પોલીસ દ્વારા તાપસના ચક્રો ગતિમાન કરાયા છે. 

બનાસકાંઠાના ડીસા ઓવરબ્રિજ પર સવારે ટ્રક અને ટ્રેલર વચ્ચે 
નોંધનિય છે કે, બનાસકાંઠાના ડીસા ઓવરબ્રિજ પર સવારે ટ્રક અને ટ્રેલર વચ્ચે ગંભીર અકસ્માત સર્જાયો હતો. જેમાં 2 લોકોના મૃત્યુ થયા હતા.  પાલનપુર તરફથી આવતા બ્રિજ પર ગંભીર અકસ્માત સર્જાતા તુરંત ઘટનાસ્થળે લોકો એકત્રિત થઇ ગયા હતાં. રોંગ સાઈડમાં આવી રહેલી ટ્રક અને ટ્રેલર વચ્ચે અકસ્માત સર્જાયો હતો. અકસ્માતમાં ટ્રેલર ડ્રાઇવર અને ક્લિનર સહિત 2નાં મોત નિપજ્યાં હતા. . માર્કેટયાર્ડમાં જવા માટે જીરું અને ઇસબગુલ ભરેલ ટ્રક ચાલક રોંગ સાઈડમાં આવતા ગંભીર અકસ્માત સર્જાયો હોવાનું સામે આવ્યું હતું. 

અકસ્માતની ગોઝારી ઘટનાઓમાં ઉછાળો 
વિકાસની હરણફાળ ભરતા ગુજરાતમાં અકસ્માતની ગોઝારી ઘટનાઓમાં પણ દિવસેને દિવસે વધારો નોંધાયો છે. અનેક માનવ જિંદગી અકસ્માતના ખપ્પરમાં હોમાઈ છે. સવારથી રાત પડે ત્યા સુધીમાં ગુજરાતના અનેક શહેરોમા અક્સ્માતની અનેક ઘટનાઓ સામે આવે છે. ત્યારે અકસ્માતની ઘટના અટકે તે જરૂરી બન્યું છે.