પંજાબ બાદ હવે સેન્ટરમાં પણ કોંગ્રેસમાં ભડકો થયો હતો. કોંગ્રેસના નેતા કપિલ સિબ્બલના ઘર બહાર કોંગ્રેસીઓ દ્વારા જ પ્રદર્શન કરવામાં આવ્યા હતા.
કોંગ્રેસમાં ઘમસાણ, સિબ્બલના ઘરે હુમલો
પંજાબમાં કોંગ્રેસમાં મચેલું રાજનૈતિક દંગલ હવે નેશનલ લેવલે પહોંચી ગયું હતું. જી-23 ગ્રુપના ભાગ એવા વરિષ્ટ નેતા કપિલ સિબ્બલે છેલ્લા કેટલા દિવસોમાં કોંગ્રેસના નેતૃત્વ પર સવાલ ઊભા કર્યા હતા ત્યાર બાદ કોંગ્રેસના કાર્યકર્તાઓએ તેમના ઘર બહાર વિયોધ પ્રદર્શન કર્યા હતા. હવે કોંગ્રેસના રાજ્યસભા સંસદ આનંદ શર્માએ આ ઘટનાની કઠોર શબ્દોમાં નિંદા કરી હતી.
આનંદ શર્માએ શું કહ્યું?
કોંગ્રેસ નેતા આનંદ શર્માએ ગુરુવારે ટ્વિટ કરીને કહ્યું હતું કે કપિલ સિબ્બલના ઘર બહાર હુમલા અને ગુંડાગર્દીના સમાચાર પરેશાન કરી મૂકે એવા છે. આ રીતના પગલાં પાર્ટીને બદનામ કરતાં અને નીંદનીય છે.
Shocked and disgusted to hear the news of attack and hooliganism at Kapil Sibal's house. This deplorable action brings disrepute to the party and needs to be strongly condemned.
કોંગ્રેસનો ઇતિહાસ ફ્રીડમનો
આનંદ શર્માએ કહ્યું હતું કે કોંગ્રેસનો ઇતિહાસ ફ્રીડમ ઓફ એક્સપ્રેશનનો રહ્યો છે. અલગ અલગ વિચાર આંતરિક લોકશાહીની નિશાની છે, અસહિષ્ણુતા- હિંસા કોંગ્રેસના વિચારોમાં નથી. જે પણ લોકો આના માટે જે પણ જવાબદાર છે તે લોકોને ઓળખીને પાર્ટી જરૂરી એક્શન લે એ જરૂરી છે. આ મામલે કોંગ્રેસ અધ્યક્ષા સોનિયા ગાંધીને અપીલ કરવામાં આવી હતી.
સિબ્બલે પાર્ટી અધ્યક્ષના મુદ્દે પ્રશ્નો ઉઠાવ્યા
જાણીતું છે કે પંજાબ પ્રદેશ કોંગ્રેસ અધ્યક્ષ પદેથી નવજોત સિંહ સિદ્ધુએ રાજીનામું આપ્યા બાદ દેશની સૌથી જૂની પાર્ટીએ ફરી એક વખત લડાઈ શરૂ કરી દીધી છે. પક્ષની સ્થિતિથી નારાજ વરિષ્ઠ નેતાઓના ગ્રુપ -23 ના નેતાઓ પણ સક્રિય બન્યા છે. વરિષ્ઠ નેતા અને ભૂતપૂર્વ કેન્દ્રીય મંત્રી કપિલ સિબ્બલે બુધવારે ગાંધી પરિવાર પર નિશાન સાધ્યું અને કહ્યું હતું કે જ્યારે રાષ્ટ્રપતિ ન હોય ત્યારે કોણ નિર્ણય લે છે. તેમણે કહ્યું કે રાહ જોવાની એક મર્યાદા છે, છેવટે, ક્યાં સુધી રાહ જોવી? પાર્ટીએ તાત્કાલિક કારોબારી (CWC) ની બેઠક બોલાવવી જોઈએ જેથી ખૂલીને સંવાદ થઈ શકે.
બુધવારે સિબ્બલના ઘરની બહાર પ્રદર્શન
કોંગ્રેસના નેતા કપિલ સિબ્બલે પાર્ટીના નેતૃત્વ પર પ્રશ્નો ઉઠાવ્યા બાદ બુધવારે પાર્ટીના ઘણા કાર્યકર્તાઓએ સિબ્બલના નિવાસસ્થાનની બહાર પ્રદર્શન કર્યું અને તેમની વિરુદ્ધ સૂત્રોચ્ચાર કર્યા હતા. એટલું જ નહીં, વિરોધ કરી રહેલા કાર્યકરોએ સિબ્બલના ઘરે ટામેટા પણ ફેંક્યા અને તેમની કારને નુકસાન પહોંચાડ્યું હતું.