નેતાજી સુભાષચંદ્ર બોઝની જન્મ જયંતિ નિમિત્તેએ લોકો ટ્વિટરના માધ્યમથી શ્રદ્ધાંજલી અર્પી હતી. ભાજપના ધારાસભ્ય દ્વારા ટ્વિટ કર્યા બાદ સોશ્યિલ મીડિયા પર લોકોના રોષનો ભોગ બન્યા હતા.
આણંદના ધારાસભ્યના ટ્વીટથી સર્જાયો વિવાદ
યોગેશ પટેલે સુભાષચંદ્ર બોઝ અંગે કર્યુ હતુ વિવાદાસ્પદ ટ્વીટ
અનુવાદમાં ભૂલ થઈ હોવાની વાત સ્વીકારી
નેતાજી સુભાષચંદ્ર બોઝની જન્મ જયંતિ નિમિત્તે તમામ રાજકીય નેતાઓ, સેવાભાવી સંસ્થાઓ સહિત અનેક લોકો દ્વારા સોશ્યિલ મીડિયા મારફતે નેતાજી સુભાષચંદ્ર બોઝને શ્રદ્ધાંજલી અર્પી હતી. ત્યારે ભાજપના ધારાસભ્ય દ્વારા ટ્વિટરના માધ્યમથી સુભાષચંદ્ર બોઝને શ્રદ્ધાંજલી અર્પી હતી. પરંતું તે ટ્વિટ બાદ વિવાદ સર્જાતા ધારાસભ્ય દ્વારા ટ્વિટ ડિલીટ કરી ફરી માફી માંગતું ટ્વિટ કર્યું હતું.
ટ્વિટે વિવાદ સર્જતા ધારાસભ્યએ પોસ્ટ ડીલીટ કરી દીધી
આજે નેતાજી સુભાષચંદ્ર બોઝની જન્મજયંતિ છે. ત્યારે સમગ્ર દેશમાંથી લોકો તેમને શ્રદ્ધાંજલી અર્પી હતી. ત્યારે વડાપ્રધાન, લોકસભા અધ્યક્ષ, વિપક્ષના નેતા દ્વારા સુભાષચંદ્ર બોઝને શ્રદ્ધાંજલી આપી હતી. ત્યારે આણંદના ધારાસભ્ય યોગેશ આર.પટેલે ટ્વિટ કરી નેતાજીને શ્રદ્ધાંજલી આપી હતી. ત્યાર બાદ તેમણે કરેલ ટ્વિટે વિવાદ સર્જતા ધારાસભ્યએ પોસ્ટ ડીલીટ કરી દીધી હતી.
ધારાસભ્યએ ક્ષમા યાચના કરીને નવી પોસ્ટ કરી હતી અને માફી પણ માંગી
ધારાસભ્ય દ્વારા સોશ્યિલ મીડિયાના માધ્યમથી સુભાષચંદ્ર બોઝને પાઠવેલ ટ્વિટે વિવાદ સર્જતા ધારાસભ્ય દ્વારા તાત્કાલીક ધોરણે ટ્વિટને ડીલીટ કર્યું હતું. ત્યારે આ મામલે કોંગ્રેસ દ્વારા ધારાસભ્ય યોગેશ પટેલ વિરૂદ્ધ સાયબર સેલમાં ફરિયાદ કરી હતી. વિવાદિત ટ્વિટ ડીલીટ કર્યા બાદ ધારાસભ્યએ ક્ષમા યાચના કરીને નવી પોસ્ટ કરી હતી અને માફી પણ માંગી હતી.