ગજબ પ્રયોગ / આને કે'વાય પેંતરા! ઘૂંટણભેર પાણીમાં ચાલવા માટે યુવાને લગાવ્યો જોરદાર આઇડિયા, આનંદ મહિન્દ્રાએ VIDEO શેર કરીને કર્યા વખાણ

• ઉદ્યોગપતિ આનંદ મહિન્દ્રાએ વીડિયો પોસ્ટ કર્યો
• યુવકે ઘૂંટણસમા પાણીમાં વિસ્તારને પાર કરવા માટે કર્યો આ પ્રયોગ
• ટેબલમાં દોરડું બાંધીને તેની પર પગ મુકીને વિસ્તાર કર્યો પાર

અદભૂત વીડિયો 

દેશના નાગરિકો દરેક કામને સરળ બનાવવા માટે માહેર હોય છે. લોકો અનોખા પ્રયોગ કરી પોતાની મુશ્કેલીઓનો માર્ગ કાઢી નાખે છે. આવો એક વીડિયો વાયરલ થઇ રહ્યો છે, જે ઉદ્યોગપતિ આનંદ મહિન્દ્રાએ ટ્વિટ કર્યો છે. આનંદ મહિન્દ્રા અવાર-નવાર આવી પોસ્ટ અથવા વીડિયો શેર કરતા રહે છે. આ વખતે પણ તેમણે અદભૂત વીડિયો શેર કર્યો છે. 

આનંદ મહિન્દ્રાની પોસ્ટ

આનંદ મહિન્દ્રા દ્વારા પોસ્ટ કરવામાં આવેલા આ વીડિયોમાં એક યુવકે ઘૂંટણસમા પાણીમાં વિસ્તારને પાર કરવા માટે પ્લાસ્ટિકના બે ટેબલમાં દોરડુ બાંધ્યુ. યુવકે પાણીમાં ઉતરવુ જ ના પડે તેથી ટેબલમાં દોરડુ બાંધ્યુ અને તેની મદદથી એક ટેબલને ઉપાડીને આગળ લઇ જાય છે, પછી બીજા ટેબલને અને આ રીતે ટેબલનો ઉપયોગ કરીને તેની પર પગ મુકીને જળબંબાકાર વિસ્તાર પાર કરે છે. જો કે, તેમણે પોતાના ટ્વિટમાં એ જણાવ્યું નથી કે આ વીડિયો કયા વિસ્તારનો છે, પરંતુ વીડિયો જોઇને લાગે છે કે આ પૂર્વ ભારતના કોઈ વિસ્તારનો છે. હાલમાં આસામ અને પૂર્વોત્તરના અન્ય રાજ્યોમાં ભીષણ પૂર આવ્યું છે. એવામાં શક્ય છે કે આ વીડિયો કયા ક્ષેત્રનો છે.

👍🏽 As the saying goes: Necessity is the mother of invention… pic.twitter.com/VjyD2LzgAR

— anand mahindra (@anandmahindra) July 8, 2022

યુઝર્સે આપી આવી પ્રતિક્રિયા

આનંદ મહિન્દ્રાના આ વીડિયો પર અનેક યુઝર્સે રિટ્વિટ કરી પોતાની પ્રતિક્રિયા આપી છે. સચિન સારગોઈ નામના એક યુઝરે લખ્યું, આટલી પોસ્ટ ક્યાથી લાવો છો? ઘરમાં તમારે ખેતી છે?

Simple and effective solution. The "jugaadu" thinking that Indians are very good at.

— Sushant Santra (@SushantSantra) July 8, 2022