હાલમાં ચીનમાં કોરોના વાયરસે હાહાકાર મચાવ્યો છે. હજારો લોકો આ જીવલેણ વાયરસની ચપેટમાં આવી ગયા છે અને ઘણા લોકોનું મૃત્યુ થયું છે. ભારતના ઘણા લોકો પણ ચીનમાં ફસાયેલા છે જેમની માટે હેલ્પલાઈન જાહેર કરવામાં આવી છે. ખબર એ પણ છે કે ભારતના નાગરીકોને ત્યાંથી કાઢવાની તૈયારીઓ પણ શરુ કરી દેવામાં આવી છે. ચીનના વુહાનમાં આ વાયરસની સૌથી વધુ અસર જોવા મળી છે. આખા ચીનમાં આ ભયાનક વાયરસ ખૂબ ઝડપથી વધી રહ્યો છે.
આનંદ મહિન્દ્રાએ વીડિયો શેર કરી વ્યક્ત કરી ચિંતા
કોરોના વાયરસનો હાહાકાર વધ્યો
કિરણ મઝુમદાર શોએ રસી શોધાઈ જવાની આશા જણાવી
વીડિયોમાં ચીનના લોકોમાં અફરાતફરી દ્રશ્યો
ભારતના ઉદ્યોગપતિ આનંદ મહિન્દ્રાએ કોરોના વાયરસને લઈને એક વીડિયો પોસ્ટ કર્યો છે. આ વીડિયોમાં વુહાન પ્રાંતની ભયાવહ તસવીરો જોઈ શકાય છે. જેમાં ગલીઓમાંથી પસાર થતા લોકોની સાથે સાથે હોસ્પિટલ અને સુપરમાર્કેટમાં ભારે ભીડ જેવા દ્રશ્યો આ વીડિયોમાં જોઈ શકાય છે. આખા શહેરમાં અંધાધુંધીના દ્રશ્યો છે. હોસ્પિટલ ભરાઈ ગયા છે, સુપર માર્કેટમાં જીવનજરૂરી વસ્તુઓ લેવા માટે લોકોની ભારે ભીડ છે. જો કે આ વીડિયો સાચો છે કે ખોટો તેની પુષ્ટિ VTVGujarati.com નથી કરતું.
Unbelievable images. For once, I hope it IS a fake video.Eerily reminiscent of the ‘95 movie ‘Outbreak’ starring Dustin Hoffman about a deadly pandemic. A case of ‘life imitating Art?’ We need to treat this as an emergency ourselves since it’ll spill way beyond China’s borders https://t.co/S1hR5mi5Ns
મહિન્દ્રાએ આ વીડિયો પોસ્ટ કરતા લખ્યું છે કે સમય માટે તેઓ આશા રાખે છે કે આ વીડિયો ફેક હોય. તેમણે આ વીડિયોની સરખામણી ડસ્ટીનની ફિલ્મ આઉટબ્રેક સાથે કરી છે. મહિન્દ્રાએ ચિંતા વ્યક્ત કરી છે. તેમણે લખ્યું કે આ વાયરસ ચીનની સરહદની બહાર આવે તે પહેલા આપણે તેને આપતકાલ તરીકે લેવું પડશે.
Is this real or from a film? Though the virus is spreading which is scary. The only silver lining is that the genetic sequence is known n vaccine is likely to be developed in weeks. https://t.co/YzearLLZAI
ભારતમાં અત્યાર સુધી સત્તાવાર રીતે એક પણ કેસ નથી નોંધાયો
એશિયાની મોટી બાયોફાર્માસ્યુટિકલ કંપનીના ચેરપર્સન કિરણ મઝુમદાર શોએ મહિન્દ્રાના આ વીડિયો પર પોતાની પ્રતિક્રિયા આપી હતી. મઝુમદારે ટ્વીટ કરીને લખ્યું આ હકીકત છે કે ફિલ્મનો સીન? તેમણે કહ્યું કે જોકે વાયરસ ઝડપથી ફેલાઈ રહ્યો છે આ વાયરસની રસી ટૂંક સમયમાં શોધાઈ જાય તેવી આશા છે. આખા ચીનમાં ઈમરજન્સી જેવી પરિસ્થિતિ છે. ભારતમાં આ કોરોના વાયરસની દસ્તકની આશંકા છે ત્યારે બધા જ એરપોર્ટને અલર્ટ કરી દેવાયા છે. જો કે સત્તાવાર રીતે ભારતમાં Coronavirus નો એક પણ કેસ હજુ સુધી નોંધાયો નથી.