સોશિયલ મીડિયામાં સક્રિય રહેનારા આનંદ મહિન્દ્રા દરરોજ ગમે તે કારણે ચર્ચામાં રહે છે. પછી તે કોઈની મદદ કરવાનું કામ હોય કે પછી કોઈનો આઈડિયા પસંદ કરવાનો, ઈન્વેસ્ટમેન્ટની ઑફર આપવાની વાત હોય. આ વખતે તેમને એક મુસ્લિમ યુવકની ગજબ સાહસિકતા પસંદ આવી ગઇ છે.
આનંદ મહિન્દ્રા દરરોજ સોશિયલ મીડિયામાં રહે છે સક્રિય
મુસ્લિમ વ્યક્તિએ મહિલાને બચાવવા માટે જીવનની બાજી લગાવી
રેલવે ટ્રેક પાર કરતી વખતે મહિલા ટ્રેકની વચ્ચે ફસાઇ ગઇ
રેલવે ટ્રેક પસાર કરતી વખતે ફસાઇ ગઇ હતી મહિલા
આનંદ મહિન્દ્રાએ આ ઘટના સાથે જોડાયેલો વીડિયો ટ્વિટર પર શેર કરી લખ્યું કે તે તેને યાદ કરીને અઠવાડિયાની શરૂઆત કરવા માંગે છે. જે વીડિયોને આનંદ મહિન્દ્રાએ શેર કર્યો છે, તે મામલો ભોપાલનો છે. અહીં 37 વર્ષીય મુસ્લિમ વ્યક્તિએ રેલવે ટ્રેક પર ફસાયેલી મહિલાને ટ્રેનથી બચાવવા માટે પોતાના જીવનની બાજી લગાવી દીધી. આ ઘટના 5 ફેબ્રુઆરીની જણાવવામાં આવી રહી છે. 5 ફેબ્રુઆરીએ સાંજના સમયે એક મહિલા રેલવે ટ્રેક પાર કરતી વખતે ટ્રેકની વચ્ચે ફસાઇ ગઇ હતી. આ દરમ્યાન ટ્રેક પર માલગાડી આવી ગઇ. ટ્રેક પરથી પસાર થયેલા મોહમ્મદ મહેબૂબે જે કર્યુ તે વખાણને પાત્ર છે.
Incredible bravery! 37 year old Mehboob was returning to his factory when he and some other pedestrians saw a goods train they stopped to let it pass a girl standing with her parents in fell on the tracks Mehboob sprinted dragged kept her head down @manishndtv@GargiRawatpic.twitter.com/IDqQiBLAv7
વ્યવસાયે સુથાર એવા મહબૂબની નજર જેવી મહિલા પર પડી તેને બચાવવા માટે તે ટ્રેક પર કૂદી પડ્યો. તેણે મહિલાને ધક્કો મારીને ટ્રેક પર ઉંઘાડી દીધી અને પોતે પણ ઉંઘી ગયો. બંને થોડા સમય સુધી રેલવે ટ્રેક પર સૂતા રહ્યાં અને માલગાડીના ડબ્બા ઉપરથી પસાર થઇ ગયા. જોતજોતામાં માલગાડીના બધા ડબ્બા ઉપરથી પસાર થઇ ગયા અને બંને સંપૂર્ણ રીતે સુરક્ષિત બચી ગયા. ઘટનાસ્થળે હાજર રહેલા લોકોએ ઘટનાનો વીડિયો બનાવી લીધો.
આનંદ મહિન્દ્રાએ જણાવ્યું રોલ મૉડલ
આનંદ મહિન્દ્રાએ વીડિયોને પોતાના ટ્વિટર એકાઉન્ટ પર શેર કરી લખ્યું, હું આ ઘટનાને યાદ કરીને આ અઠવાડિયાની શરૂઆત કરવા માગુ છુ. અતુલ્ય સાહસ, અતુલ્ય નિ:સ્વાર્થતા, અતુલ્ય ભારત. આપણી ચોતરફ રોલ મૉડલ ઉપસ્થિત છે.