ઓલમ્પિકમાં સતત 2 વાર મૅડલ જીતનારી સિંધુ પહેલી મહિલા ખેલાડી છે. પીવી સિંધુ ઓલિમ્પિક્સની વ્યક્તિગત ઇવેન્ટમાં મેડલ જીતનારી પણ પહેલી મહિલા ખેલાડી છે.
સિંધુ માટે થારની માગ
પીવી સિંધુએ પદક જીત્યો તે બાદ સમગ્ર ભારત ખુશીની લહેરમાં ડૂબી ગયુ હતુ. તે વચ્ચે આનંદ મહિન્દ્રાએ પણ સિંધુને વધાઇ આપી હતી. તેમણે ટ્વિટ કરતા લખ્યું કે, માનસિક શક્તિનો કોઇ ઓલિમ્પિક હોત તો સિંધુ તેમાં ટોપ પર આવત. મનોબળ નીચુ થઇ જાય તેવી હાર બાદ પણ તેણે ગેમ રમી અને જીત હાંસલ કરી.
સિંધુએ કહ્યું કે મારા પરિવારે મારે માટે તનતોડ મહેનત કરીને મને આગળ વધારી છે તેથી હું તેમની ખૂબ આભારી છું. દેશના ચાહકોએ પણ મને ખૂબ પ્રેમ અને સપોર્ટ આપ્યો છે આ પ્રસંગે તેમનો પણ આભાર માનું છું. મારે માટે પ્રવાસ ખૂબ કપરો હતો પરંતુ મેં ધીરજ અને શાંતિ જાળવીને પૂર્ણ કર્યો છે.
સિંધુએ કહ્યું કે ઘણા વર્ષો સુધી મહેનત કરી છે. મને લાગે છે કે મેં ઘણું સારુ કર્યું છે. મારી અંદર લાગણીનો ધોધ વહી રહ્યો છે. વિચારી રહી છું કે બ્રોન્ઝ મેડલ જીતવાથી મારે ખુશ થવું જોઈએ કે ફાઈનલમાં રમવાની તક ન મળી તે જોઈને દુખી થવું જોઈએ.
ટોક્યો ઓલિમ્પિકમાં બ્રોન્ઝ મેડલ જીતનાર પીવી સિંધુને પ્રધાનમંત્રી મોદી અને રાષ્ટ્પતિ રામનાથ કોવિંદે અભિનંદન પાઠવ્યાં છે. પ્રધાનમંત્રી મોદીએ ટ્વિટ કરીને જણાવ્યું કે તમારુ અદ્વિતિય પર્ફોમન્સ જોઈને અમને બધાને ખૂબ ખુશ થયા છીએ.
ટોકિયો ઓલિમ્પિકમાં બ્રોન્ઝ જીતવા બદલ અભિનંદન. તમે ભારતનું ગૌરવ અને અમારા એક અદ્વિતિય ઓલિમ્પિક રમતવીર છો.