IPLIN
 

Ukraine crisis / યુક્રેનના નાગરિકો પર ફિદા થયા આનંદ મહિન્દ્રા, કહ્યું- બ્રિટિશ લોકોને પૂછો સત્યાગ્રહની તાકાત

Team VTV 10:39 PM, 05 Mar 22
Follow us
anand mahindra praises ukrainians protest

ઉદ્યોગપતિ આનંદ મહિન્દ્રા હંમેશા પોતાના ટ્વિટને લઈને ચર્ચામાં રહેતા હોય છે, તેઓ સમય સમય પર રસપ્રદ વાતોને શેર કરી ચર્ચામાં આવતા હોય છે. હવે તેમણે યુક્રેનને લઈને આવી જ કંઈક વાત કહી છે.

  • રશિયા અને યુક્રેન વચ્ચે ચાલી રહ્યો છે જંગ
  • યુક્રેનના નાગરિકો આપી રહ્યા છે ટક્કર
  • આનંદ મહિન્દ્રાએ કહી આ વાત

 

આનંદ મહિન્દ્રાનું કહેવું છે કે, સત્યાગ્રહ કરનારાઓ પર વિજય મેળવી શકાતો નથી. આ વાત તેમણે યુક્રેનની જનતાને રશિયા સેનાને અપાતી ટક્કરને લઈને કહી હતી. તેને લઈને તેમણે એક વીડિયો પણ શેર કર્યો છે. 

 

બ્રિટિશ લોકોને પૂછો સત્યાગ્રહની તાકાત

એક વીડિયો શેર કરતા આનંદ મહિન્દ્રાએ ટ્વિટ કરીને કહ્યું કે, જ્યારે એક સેનાને નિ:સહાય નાગરિકોનો સામનો કરવો પડે, તો માની લેજો કે, તે એવા હથિયારનો સામનો કરી રહ્યા છે, જે કોઈ પાવરફુલ ટેંકથી પણ વધારે શક્તિશાળી હોય છે. સત્યાગ્રહ હંમેશા અવિજિત તાકાત સાબિત થઈ છે. જોવો હોય તો, બ્રિટિશ લોકોને પૂછી લેજો.

આ વીડિયો ખેરસનનો છે. જ્યાં રશિયાની સેનાનો વિરોધ કરવા માટે યુક્રેનના લોકો રસ્તા પર ઉતરી આવ્યા હતા. રશિયાની સેના તેમને વેરવિખેર કરવા માટે તેમના પર ગોળીઓ ચલાવે છે. 

દેશભક્તિને બતાવી ચુક્યા છે, પરમાણુ બોમ્બથી પાવરફુલ

આનંદ મહિન્દ્રાએ થોડા દિવસ પહેલા એક વીડિયો શેર કર્યો હતો. આ વીડિયોમાં યુક્રેનની રાજધાની કીવના રસ્તા પર હથિયારબંધ સામાન્ય નાગરિકોને જોઈ શકાય છે. તેના વિશે આનંદ મહિન્દ્રાએ ટ્વિટર પર લખ્યું હતું. જ્યારે લોકોની પાસે દેશને બચાવાની ઈચ્છાશક્તિ હોય છે, તો આ તાકાત કોઈ પરમાણુ હથિયારથી ખૂબ વધારે શક્તિશાળી હોય છે.  આવા લોકો પર આક્રમણ કરવું સંભવે છે, પણ તેમના પર આધિપત્ય જમાવવું ખૂબ અશક્ય છે.
 

Russia ukraine war Anand Mahindra Video આનંદ મહિન્દ્રા યુક્રેન રશિયા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ