મહિન્દ્રા ગ્રુપના ચેરમેન આનંદ મહિન્દ્રા સોશિયલ મીડિયામાં ખૂબ સક્રિય રહે છે અને તેનું ટ્વિટર એકાઉન્ટ રમૂજી, પ્રેરણાદાયી અને મનોરંજક સામગ્રીના કન્ટેન્ટથી ભરાયેલુ છે. સોમવારે તેમણે ટ્વિટર પર એક જૂનો વીડિયો પોસ્ટ કર્યો. જેમાં ગાયોનું ટોળું હંસ સાથે લડી રહ્યું છે.
આનંદ મહિન્દ્રાએ ટ્વિટર પર એક જૂનો વીડિયો પોસ્ટ કર્યો
ગાયનું એક ટોળું હંસ સાથે કરી રહ્યું છે લડાઈ
આનંદ મહિન્દ્રાએ વીડિયો પોસ્ટને આપી કેપ્શન
ગાયનું એક ટોળું હંસ સાથે લડી રહ્યું છે
વીડિયો એક ખેતરમાં શૂટ કરવામાં આવ્યો છે અને આ સોશિયલ મીડિયામાં ખૂબ વાયરલ થઇ રહ્યો છે. આ વાયરલ વીડિયોમાં કેટલીક ગાયો નાના હંસ સાથે લડી રહી છે. વીડિયોમાં તમે જોઈ શકો છો કે કેવીરીતે ગાય હંસ સાથે લડી રહી છે અને હંસને લાત મારી રહી છે. જો કે, હંસ બહાદૂરીપૂર્વક પોતાની જગ્યા પર ઉભુ છે અને વચ્ચે ઉભુ રહીને ગાયો સાથે એકલુ લડી રહ્યું છે.
આનંદ મહિન્દ્રાએ પોસ્ટને કેપ્શન આપ્યું, કેવો જોશ છે, પક્ષી? હાઈ સર, અલ્ટ્રા હાઈ. આ મારું #MondayMotivation છે. શેર કર્યા બાદ આ વીડિયોને લગભગ 7 લાખ વખત જોવામાં આવ્યો છે. યુઝર્સે હંસના આત્મવિશ્વાસના વખાણ કર્યા છે અને બહાદૂર પણ કહ્યું છે. એક યુઝર્સે કહ્યું, આના પરથી ખબર પડે છે કે હિંમતને આકાર સાથે કોઈ લેવા-દેવા નથી. આ હંમેશા તમારા દિલ અને દ્રઢ સંકલ્પ સાથે સંબંધિત હોય છે. જેનાથી ઘણુ બધુ શિખી શકાય છે.