ગિફ્ટ / શ્રમિકોના 'અમ્મા'ને મહિન્દ્રાએ ગિફ્ટ આપ્યું ઘર! મધર્સ ડે પર કરેલ કામ જાણીને તમે પણ કરશો સલામ

• આનંદ મહિન્દ્રાએ ઈડલી અમ્માને ગિફ્ટ કર્યું ઘર 
• એક ટ્વીટ દ્વારા જોડાયો હતો મહિન્દ્રા અને ઈડલી અમ્માનો સંબંધ 
• સપ્ટેમ્બર 2019માં કર્યું હતું આ ટ્વીટ

આનંદ મહિન્દ્રા કેટલા દરિયાદિલ માણસ છે, એ વિષે તો તેમના ટ્વીટર અકાઉન્ટથી જાણ થઇ જય છે. પરંતુ આ વખતે મધર્સ ડેનાં અવસર પર તેમણે 'ઈડલી અમ્મા'ને એક અત્યંત ખાસ ગિફ્ટ આપી છે. તેનાંથી પણ વધારે સારી બાબત એ છે કે ઈડલી અમ્મા સાથે તેમનો આટલો ગાઢ સંબંધ માત્ર એક ટ્વીટ સાથે જ જોડાયો હતો. 

મહિન્દ્રાએ 'ઈડલી અમ્મા'ને ગિફ્ટ કર્યું ઘર 
આનંદ મહિન્દ્રાએ ટ્વીટર પર 'ઈડલી અમ્મા'ને મધર્સ ડેનાં અવસર પર એક ઘર ગિફ્ટ કર્યું છે. તેમણે પોતાની પોસ્ટમાં લખ્યું છે કે અમારી ટીમ પ્રસંશા પાત્ર છે, જેણે નક્કી સમય પર ઘરનું નિર્માણ પૂરું કર્યું અને મધર્સ ડેનાં અવસર પર ઈડલી અમ્માને ગિફ્ટ કર્યું. તે માંનાં ગુણ-પોષણ, સારસંભાળ અને નિસ્વાર્થ હોવાનો અવતાર છે. તેમણે અને તેમના કાર્યોને સપોર્ટ કરવાનું સૌભાગ્ય મળ્યું. તમને સૌને મધર્સ ડેની શુભકામના. આ સાથે જ તેમણે એક વીડિયો પણ ટ્વીટ કર્યો છે. 

Immense gratitude to our team for completing the construction of the house in time to gift it to Idli Amma on #MothersDay She’s the embodiment of a Mother’s virtues: nurturing, caring & selfless. A privilege to be able to support her & her work. Happy Mother’s Day to you all! pic.twitter.com/LgfR2UIfnm

— anand mahindra (@anandmahindra) May 8, 2022

કોણ છે ઈડલી અમ્મા?
આજે અમે અને તમે જેને ઈડલી અમ્માનાં નામથી ઓળખીએ છીએ, તે તામિલનાડુનાં કોયબટૂર જીલ્લામાં રહેનાર એમ. કમલાતલ છે. તેમણે જીવનનાં 85થી વધારે વસંત જોઈ છે. તેઓ તેમના ઇલાકામાં કામ કરનાર પ્રવાસી મજૂરો અને અન્ય લોકોને માત્ર એક રૂપિયામાં ઈડલીનું વહેંચાણ કરે છે અને આમ તે લગભગ 3 વર્ષથી કરી રહી છે. 

One of those humbling stories that make you wonder if everything you do is even a fraction as impactful as the work of people like Kamalathal. I notice she still uses a wood-burning stove.If anyone knows her I’d be happy to ‘invest’ in her business & buy her an LPG fueled stove. pic.twitter.com/Yve21nJg47

— anand mahindra (@anandmahindra) September 10, 2019

આ ટ્વીટથી જોડાયો હતો મહિન્દ્રા - અમ્માનો સંબંધ 
આનંદ મહિન્દ્રાએ 10 સપ્ટેમ્બર 2019નાં રોજ 'ઈડલી અમ્મા'ને એક વીડિયો શેર કર્યો હતો. ત્યારે તેમણે ઈડલી અમ્માનાં બીઝનેસમાં ઇન્વેસ્ટ કરવા અને તેમને લાકડાનાં ચૂલાની જગ્યાએ ગેસ સ્ટવ આપવાની વાત કરી હતી. જ્યારે મહિન્દ્રા ઈડલી અમ્માને મળવા પહોંચ્યા ત્યારે તેમણે એક નવા ઘરની ઈચ્છા વ્યક્ત કરી હતી. તેમની ઈચ્છાનું સન્માન કરતા મહિન્દ્રાએ પોતાનું વચન નિભાવ્યું.