આણંદ કૃષિ યુનિ.ના હવામાન વિભાગે આગાહી કરતા કહ્યું કે, 'ગુજરાતમાં 20 જૂનથી ચોમાસું સક્રિય થશે.'
આણંદ કૃષિ યુનિ.ના હવામાન વિભાગની આગાહી
ગુજરાતમાં 20 જૂનથી ચોમાસું સક્રિય થશે
ચરોતરમાં ચાલુ વર્ષે ચોમાસું સારુ થશે
રાજ્યમાં હવે ચોમાસું નજીક આવવાના એંધાણ વચ્ચે આણંદની કૃષિ યુનિવર્સિટીના હવામાન વિભાગે ચોમાસાને લઇને મોટી આગાહી કરી છે. આગાહી કરતા જણાવ્યું છે કે, ગુજરાતમાં 20 જૂનથી ચોમાસું સક્રિય થશે. એમાંય આ વર્ષે ચરોતરમાં ચોમાસું સારુ થશે. કારણ કે, રાજ્યમાં છેલ્લાં 4 વર્ષથી ચરોતરમાં 100% વરસાદ વરસ્યો છે.
આ વર્ષે વાવણીલાયક વરસાદ થશે: હવામાન વિભાગ
બીજી બાજુ હવામાન વિભાગે પણ વરસાદને લઇને આગાહી કરતા જણાવ્યું છે કે, 'આ વર્ષે વાવણીલાયક વરસાદ થશે. ગુજરાતમાં 15થી 20 જૂન સુધીમાં ચોમાસાનું આગમન થશે તેમ આગાહી કરવામાં આવી છે. કેરળમાં ચોમાસું બેસી ગયું છે. પરંતુ પ્રિમોન્સૂન એક્ટિવિટી જેવું વાતાવરણ હજી જોવા મળ્યું નથી. પરંતુ આગાહી મુજબ 15 જૂનથી વરસાદ આવી શકે છે.
ત્યારે હવામાન વિભાગે આગાહી કરી છે કે, ગુજરાતમાં આ વર્ષે વાવણી લાયક વરસાદ થશે. ગુજરાતમાં ચોમાસુ આ વર્ષે સારુ રહેશે. જૂન મહિનામાં ચોમાસું સત્તાવાર રીતે ગુજરાતમાં બેસી જશે અને જૂન મહિનામાં જ સામાન્ય વરસાદથી ચોમાસાની શરૂઆત થશે. ચોમાસુ 1 જૂનથી બેસવાથી દક્ષિણ ગુજરાત અને સૌરાષ્ટ્ર સહિતના વિસ્તારોમાં 2 દિવસ કાળઝાળ ગરમીનો પ્રકોપ જોવા મળશે. તો સમગ્ર દેશમાં પણ ચોમાસુ સારૂં રહેવાની સંભાવના વ્યક્ત કરી છે. આ સાથે દેશમાં 103 ટકા જેટલો વરસાદ પડવાની સંભાવના છે.
ગુજરાતમાં આગામી બે દિવસ વધશે ગરમી
રાજ્યમાં છેલ્લાં 3-4 દિવસથી વાદળછાયું વાતાવરણ જોવા મળી રહ્યું છે. એવામાં હવામાન વિભાગ પણ ચોમાસાને લઇને સતત આગાહી કરી રહ્યું છે. ત્યારે હવામાન વિભાગે ચોમાસાને લઇને આગાહી કરતા જણાવ્યું કે, 'આજે કેરળમાં વરસાદ વરસી શકે છે. તો ગુજરાતમાં 1 અને 2 જૂનના રોજ ગરમીમાં વધારો થશે. રાજ્યમાં પ્રિ-મોનસૂન એક્ટિવિટી અસર નહિવત જોવા મળી રહી છે. પરંતુ રાજ્યમાં બે દિવસ બાદ વાતાવરણમાં પલટો આવી શકે છે. જ્યારે રાજ્યમાં દક્ષિણ ગુજરાત અને સૌરાષ્ટ્રમાં વાદળછાયું વાતાવરણ રહેશે.
ભારે પવન ફુંકાવાની આગાહી
હવામાન વિભાગ દ્વારા કચ્છ- સૌરાષ્ટ્રના કેટલાંક વિસ્તારોમાં દરિયામાં તોફાની પવનની આગાહી કરવામાં આવી છે. આગામી 5 દિવસ સુધી ભારે પવન ફૂંકાવાની શક્યતાઓ સેવાઇ રહી છે જેને પગલે પોરબંદર પંથકના સાગરખેડુ-માછીમારોને દરિયો ન ખેડવા અંગે સબંધિત વિભાગ દ્વારા સૂચન જારી કરાયું છે.