AAG / આણંદમાં મોડીરાતે કેમિકલ કંપનીમાં લાગી આગ, 13 ફાયર ફાઈટરે 8 કલાકે આગ પર મેળવ્યો કાબૂ

• આણંદમાં આગનો બનાવ
• કેમિકલ કંપનીમાં મોડી રાતે લાગી ભીષણ આગ
• 13 ફાયર ફાઈટરે 8 કલાકે આગ પર મેળવ્યો કાબૂ

આણંદની કેમીકલ કંપનીમાં ભીષણ આગનો બનાવ બન્યો છે. 8 કલાકે કાબૂમાં આવેલી આગમાંથી હજુ પણ થોડી થોડી વારે લપેટો ઉઠી રહી છે. આગ ઉપર સંપૂર્ણ કાબૂ મેળવવામાં સમય લાગી શકે છે. હજુ પણ ફાયર ફાઈટરો આગ પર કાબૂ મેળવવા માટે મહેનત કરી રહ્યા છે. જય કેમિકલ ફેક્ટરીને આગને કારણે લાખો રૂપિયાનું નુકસાન થયું છે. કંપનીના એચ પ્લાન્ટમાં આગ લાગી છે. 

આગને કાબૂમાં લેવા માટે આણંદ, ખંભાત, ધુવારણ ફાયર ફાઇટર ઘટનાસ્થળે પહોંચ્યા. આ સિવાય કરમસદ, પેટલાદ, વિદ્યાનગરના ફાયર ફાઈટર અને બોરસદ ONGCના ફાયર ફાઇટરની મદદ લેવાઈ હતી. ઉલ્લેખનીય છે કે ઘટનામાં જાનહાનિનો કોઈ બનાવ સામે આવ્યો નથી.