શરમજનક ઘટના / આણંદના દારૂડિયાએ રૂપિયા 30 હજારમાં પત્ની અને બાળકોનો કર્યો સોદો, સાવકા બાપે દીકરીને પણ બનાવી હવસનો શિકાર

• આણંદમાં હવસખોર સાવકા પિતાની કાળી કરતૂતો
• માતા અને દિકરીની કરૂણ કથની
• દિકરીનું 6 વર્ષથી શોષણ કરતો સાવકો પિતા

આણંદમાં પાપચારીઓનું પાપ માથે ચઢી પોકાર્યું છે. નશો નોતરે નાશ જેવી ઘટના આણંદના આગણે બની છે.  દારૂની લતે ચઢેલા પતિએ પત્ની સાથે બે સંતાનોનો સોદો માત્ર 30 હજાર રુપિયામાં કર્યો હતો. મૂળ આણંદ જિલ્લાના અને ભાવનગરમાં સાથે હોટલમાં નોકરી કરતા દારૂડિયા પતિના સહકર્મીએ 30 હજારમાં પત્ની અને બાળકોનો સોંદો કર્યો હતો. મીત્રની પત્નીના મોહમાં કામાંધ સહકર્મી હવસખોરે દારૂડિયા પતિની દારૂની લતની કમજોરીનો લાભ ઉઠાવ્યો હતો. અને તેની પત્ની અને પુત્રીને ખરીદી લીધા હતા. 

બાદમાં સ્ત્રીના સંતાનોને પોતે જ તેઓનો બાપ છે. તે રીતે જણાવ્યું હતું અને મજબૂર સ્ત્રીએ પણ હકારમાં માથું ધુણાવતા બંને સંતાનો માટે નરાધમ સાવકો બાપ બની ગયો હતો. આ નરાધમ હોટલમાં આ બંને પાસે કામ કરાવતો અને કામના બદલામાં આવતું મહેનતાણું હડપ કરી જતો હતો. દારૂડિયા પતિના ત્રાસથી છૂટેલી અભણ સ્ત્રી બે સંતાનોના સુખ ખાતર તમામ અત્યાચાર અને શોષણ સહન કરતી રહી. 

જોકે સાવકા બાપે પાપ અને અત્યાચારની સીમાઓ વટાવતા સાવકા બાપ અને પુત્રી વચ્ચેના સંબંધને કલંકિત કર્યો હતો. કોઈ દીકરી સાવકા બાપ ઉપર વિશ્વાસ ન કરે તે હદે નારાધમે પાપચાર આચર્યા હતા. દીકરી થોડી જવાન થતાં જ સાવકા બાપે તેને અડપલાં શરૂ કરી તેની માતાને હોટલમાં એકલી કામ કરવા મોકલે અને ભાઈને ઘરની બહાર ઉભો રાખતો હતો. ઘરે તે સાવકી પુત્રી સાથે બળજબરી કામલીલાના પાઠ ભણાવતો હતો. દીકરી આનાકાની કરે તો તેના માતા અને ભાઈને મારી નાખવાની ધમકી આપી હતી. ઉત્તેજના વધે તેવી દવા ગોળી આપી જાતે પણ લેતો ક્યારેક દિવસમાં ચારથી વધુ વખત દુષ્કર્મ આચરતો હતો. સગીરા અને તેની માતાની પીડા સમજતા મહિલા સમાજસેવીકા અને સંસ્થા દ્વારા આણંદ પોલીસને આ અંગે જાણ કરવામાં આવી હતી. જોકે પાપચારી સાવકો બાપ ત્યાં સુધી ફરાર થઇ ગયો છે. આ અંગે વધુ તપાસ હાથ ધરવામાં આવી છે.