કચ્છ સરહદ પર IBએ અલર્ટ જાહેર કર્યું છે. IBએ 2 શંકાસ્પદ શખ્સોની તસવીરો જાહેર કરી છે. અક્રમ કુરેશી અને સજ્જાદ ભટ્ટી નામના શખ્સોના ફોટો જાહેર કરવામાં આવ્યાં છે. નાની હોડીનો ઉપયોગ કરીને શખ્સો પ્રવેશ કર્યા હોવાની આશંકા છે.
અરબી સમુદ્રમાં ભારતની નેવીની જહાજો તૈનાત
આઇબીના ઇનપુટને લીધે અરબી સમુદ્રમાં ભારતીય નેવીના જહાજો તૈનાત કરવામાં આવ્યા છે. દક્ષિણ ભારતથી નેવીના જહાજ અરબી સમુદ્ર લાવવાનું પ્લાનિંગ છે. દક્ષિણ ભારતના કોસ્ટ ગાર્ડના જહાજ પણ કચ્છ લાવવાનો પ્લાન છે. દરિયાઇ માર્ગે ત્રાસવાદી હુમલાને લઇને એલર્ટ જાહેર કરવામાં આવ્યું છે. સીરક્રીકમાંથી પાકિસ્તાની ત્રાસવાદી ધુસ્યા હોવાની અલર્ટને લઇને તૈયારી કરવામાં આવી છે.
Security enhanced at the Kandla port in view of inputs that 'Pakistani commando are likely to infiltrate into Indian territory through Kutchh area, through sea route to create communal disturbance or terrorist attack in Gujarat.' pic.twitter.com/viGS1MqDrZ
પાકિસ્તાનના મરીન કમાન્ડો કચ્છના દરિયાઇ વિસ્તારમાં પ્રવેશ્યા હોવાના અહેવાલ
કચ્છનાં હરામીનાળા ક્રીક વિસ્તારમાંથી પાકિસ્તાને તૈયાર કરેલા મરીન કમાન્ડો કચ્છનાં દરીયાઈ એરિયામાં પ્રવેશ કરી ચુક્યા હોવાનાં ઇન્ટેલિજન્સ ઇનપુટથી ખળભળાટ મચી ગયો છે. પાંચ દિવસ પહેલા આ જ વિસ્તારમાંથી બે પાકિસ્તાની બોટ પણ મળી આવી હતી. જેમાં માણસો મળ્યા ના હતા. હરામીનાળા ક્રીક વિસ્તારમાં બનેલી આ ઘટનાના પાંચ જ દિવસ બાદ ઇન્ડિયન ઇન્ટેલિજન્સ એજન્સી તરફથી મળેલા આ ઇનપુટને પગલે કચ્છ સહિતનાં ગુજરાતનાં દરિયાકાંઠા વિસ્તારમાં સુરક્ષા વ્યવસ્થા વધારી દેવામાં આવી છે.
ઇન્ટેલિજન્સ એજન્સી લાગી કામે
કંડલા પોર્ટ ઉપરાંત મુન્દ્રા સહિતનાં મહત્વપૂર્ણ સ્થળોએ સીઆઇએસએફ ઉપરાંત સ્થાનિક પોલીસ તેમજ ઇન્ડિયન નેવી-કોસ્ટગાર્ડ દ્રારા ખાસ નજર રાખવામાં આવી રહી છે. ઇન્ટેલિજન્સ એજન્સી દ્રારા કંડલા પોર્ટને આપવામાં આવેલા ઇનપુટમાં સ્પષ્ટ જણાવવા આવ્યુ છે કે, પાકિસ્તાન દ્રારા તાલીમબદ્ધ એવા મરીન કમાન્ડો કચ્છનાં હરામીનાળા ક્રીક વિસ્તારમાંથી કચ્છનાં દરિયાઇ એરિયામાં ઘૂસી ચૂક્યા છે.
કોણ છે પાકિસ્તાની મરીન કમાન્ડો ?
Intelligence Sources:BSF&Indian Coast Guard along with other security agencies on high alert after inputs suggest that Pak trained SSG commandos or terrorists would try to enter Gulf of Kutch and Sir Creek area using small boats. Enhanced vigil and patrolling in the area underway pic.twitter.com/RkzlS4lfeL
અંડર વોટર એટેકમાં માહેર એવા આ પાક કમાન્ડો કચ્છનાં દરિયાઇ એરિયામાં પહોંચી ચુક્યા હોવાનો અંદેશો પણ ઇનપુટમાં વ્યકત કરવામાં આવ્યો છે.જેને પગલે કચ્છમાં આવેલા કંડલા પોર્ટ ઉપરાંત મુન્દ્રા પોર્ટ, માંડવી, જખૌ, કોટેશ્વર વગેરે જગ્યાએ પોલીસ અને અર્ધ લશ્કરી દળો ઉપરાંત નેવી અને કોસ્ટગાર્ડ દ્રારા પણ સિક્યોરિટી વ્યવસ્થા વધારી દેવામાં આવી છે. ઇનપુટના પાંચ દિવસ પહેલા જ ક્રીક એરિયામાંથી બે પાકિસ્તાની બોટ પકડાઈ હોવાને કારણે પણ મામલો વધુ ગંભીર હોવાનુ સૂત્રો માની રહ્યા છે.
કચ્છના મંત્રીઓ દ્વારા દરરોજ અપાઇ રહી છે ધમકી
કચ્છમાંથી જ્યારે બોટ મળી હતી ત્યારે એવી વાત બહાર આવી હતી કે, બોટમાંથી માણસો ભાગી ગયા હતા. જોકે બોટના માણસો ભાગીને કઈ દિશામાં, એટલે કે પાકિસ્તાનમાં કે ભારત તરફ ભાગ્યા હતા તે જાણી શકાયું ના હતું.એક તરફ જયાં દરિયાઇ સીમાથી ભારતમાં ધુસણખોરી વાત આવી રહી છે. ભારત-પાકિસ્તાન વચ્ચે વણસેલા સંબંધો વચ્ચે પાકિસ્તાની સરકારનાં મંત્રી તરફથી રોજ આપવામા યુદ્ધની ધમકીઓને કારણે પણ પાક મરીન કમાન્ડોનાં ઇનપુટને સુરક્ષાના જાણકારો ખૂબ જ મહત્વપૂર્ણ માની રહ્યા છે.