પૈસા ન હોય તો માણસ જીવી જ ન શકે તે સત્ય છે અને પૈસા કમાવવા માટે લોકો નાના મોટા કોઇ પણ કામ કરતા હોય છે. આજકાલ સોશ્યલ મિડીયા પર ટ્રેન્ડ ચાલી રહ્યો છે જેમાં લોકો પોતાની પહેલી કમાણી કેટલી હતી અને કઇ ઉંમરમાં તેમણે પહેલી કમાણી કરી હતી તે કહે છે. ત્યારે આપણા ગુડ્ડુ ભૈયાએ પણ કહ્યું કે તેમની પહેલી સેલેરી કેટલી હતી.
અલી ફઝલે પહેલી સેલેરી અંગે કર્યો ખુલાસો
કોલ સેન્ટરમાં કામ કરતો હતો અલી ફઝલ
19 વર્ષની ઉંમરમાં મળી હતી પહેલી સેલેરી
બોલિવૂડના સ્ટાર્સ પણ ઇન્ડસ્ટ્રીમાં આવ્યા પહેલા કંઇકને કંઇક કામ કરતા જ હતા અને સ્ટ્રગલ પણ તેમણે ખુબ કરી છે. આપણા ગુડ્ડુ ભૈયાએ પણ હાલમાં જ કહ્યું કે તેમની પહેલી સેલેરી કેટલી હતી.
First salary - 8000/-
Age - 19
Call centre during college to fund college fee. https://t.co/z2julqM576
કોલ સેન્ટરમાં કામ કરતા હતા અલી
અલીએ ટ્વિટ કરીને કહ્યું કે તેમની પહેલી સેલેરી 8000 રૂપિયા હતી. આ પૈસા તેમણે 19 વર્ષની ઉંમરમાં કમાઇ હતી અને તે કોલ સેન્ટરમાં કામ કરતા હતા. કોલેજની ફી ભરવા માટે તેમણે કોલસેન્ટરમાં કામ કર્યુ હતુ.
સોશ્યલ મિડીયા ટ્રેન્ડ
સોશ્યલ મિડીયા પર એક ટ્રેન્ડ ચાલી રહ્યો છે જ્યાં લોકો પોતાની પહેલી કમાણી કેટલી ઉંમરે હતી તે કહી રહ્યાં છે. અલી ફઝલ પહેલા અનુભવ સિન્હાએ પણ આ વિશે વાત કરી હતી.
અનુભવ સિન્હાની પહેલી કમાણી
અનુભવે કહ્યું કે તેમણે 18 વર્ષની ઉંમરમાં 7 માં ધોરણના વિદ્યાર્થીઓને ટ્યુશન આપતા હતા અને તેમાંથી તેમણે 80 હજાર રૂપિયા કમાયા હતા. તે સમયે અનુભવ એન્જીનીયરિંગ કોલેજમાં ભણતા હતા અને તેમણે આ પૈસા પોતાના સ્મોકિંગનો શોખ પૂરો કરવા માટે કમાયા હતા.
અલીને મળી આ રીતે ઓળખાણ
મહત્વનું છે કે અલીએ ઇન્ગલિશ અને હિન્દીમાં આવેલી શ્રીયા સરનની ફિલ્મ ધ અધર એન્ડ ઓફ ધ લાઇનમાં પહેલી વાર કામ કર્યુ હતુ. આ ફિલ્મ 2008માં આવી હતી. બાદમાં અલી આમિર ખાનની ફિલ્મ 3 ઇડિયટ્સમાં જોય લોબોના પાત્રમાં નજર આવ્યા હતા પરંતુ અલીને 2013માં આવેલી ફૂકરેથી પોપ્યુલારિટી મળી હતી.
મિર્ઝાપુરે કર્યો કમાલ
એમેઝોન પ્રાઇમની વૅબ સિરીઝ મિર્ઝાપુર બાદ તો અલી ફઝલ એકદમ છવાઇ જ ગયો છે. ગુડ્ડુ પંડિતના રોલ બાદ હવે અલીને કોઇ પણ જાતની ઓળખાણની જરૂર રહી નથી.