આદેશ / વડોદરામાં ફી નિયમન કમિટી દ્વારા કરાયો મહત્વનો નિર્ણય, આ શાળાઓ ફી પરત આપશે

• વડોદરા ફી નિયમન કમિટીનો આદેશ 
• શહેરની નામાંકિત બે સ્કૂલો કરાયો આદેશ 
• વિદ્યાર્થીઓને ફી પરત કરવા કર્યો આદેશ

વડોદરામાં ફી નિયમન કમિટીએ વાલીઓ તરફ એક નિર્ણય કર્યો છે. શહેરની નામાંકિત બે શાળાને ફી મામલે આદેશ કરી દેવાયા છે. વિદ્યાર્થીઓને ફી પરત કરવાનો નિર્ણય કમિટી દ્વારા કરવામાં આવ્યો છે. જેમાં સંત કબીર અને ગ્લોબલ ડિસ્કવરી શાળાનો સમાવેશ થાય છે. આ બંને શાળાઓએ પોતાના વિદ્યાર્થીઓને અત્યાર સુધી વસૂલેલી વધારાની ફી પરત કરવી પડશે. 

શાળાઓને વધારાની કેટલી ફી પરત કરવી પડશે ?

વડોદરા ફી નિયમન કમિટીના નિર્ણય બાદ સંતકબીર સ્કૂલને 26,16,650 રૂપિયા ફી પરત કરવા આદેશ કરાયો છે. તો ગ્લોબલ ડિસ્કવરી સ્કૂલ ને 36.99 લાખ રૂપિયા પરત કરવા આદેશ થયા છે. જોવામાં આવે તો ગ્લોબલ ડિસ્કવરી સ્કૂલ પૂર્વ કોંગ્રેસ પ્રમુખ સુરેશ પટેલની છે. વાલીઓની ફરિયાદના આધારે ફી નિયમન કમિટીએ આદેશ કર્યો છે. ફી નિયમન કમિટીના સભ્ય કેયુર રોકડીયાએ આ અંગેની માહિતી આપી હતી.