સાહેબ નો વટ જુઓ! / પાલતુ કુતરા માટે IAS અધિકારીએ આખું સ્ટેડિયમ ખાલી કરાવી દીધું, એથ્લિટસને પણ કાઢી મૂક્યા 

• દિલ્હીના મુખ્ય સચિવ સંજીવ ખારવાલ પર ગંભીર આરોપ
• પોતાના પાલતુ કુતરા સાથે ફરી શકે તે માટે સ્ટેડિયમ કરાવાઈ છે ખાલી
• જેને લઈને ખેલાડીઓના રૂટીન પર થાય છે અવરોધ  

દિલ્હીના મુખ્ય સચિવ સંજીવ ખારવાલ પર ગંભીર આરોપ

દિલ્હી સ્થિત ત્યાગરાજ સ્ટેડિયમમાં ખેલાડીઓ અને કોચે દિલ્હીના મુખ્ય સચિવ સંજીવ ખારવાલ પર ગંભીર આરોપ લગાવ્યો છે. આરોપમાં કહેવામાં આવ્યું છે કે, દિલ્હીના મુખ્ય સચિવ સંજીવ ખારવાલ પોતાના પાલતું કુતરાની સાથે ફરી શકે તે માટે ખેલાડીઓને સ્ટેડિયમથી બહાર નીકળવા માટે કહેવામાં આવે છે. જેને લઈને તેમની પ્રેક્ટિસ બાધા આવી રહી છે. 

સાહેબનો વટ છે હોં બાકી!#DelhiGovernment #SanjeevKhirwar #vtvcard pic.twitter.com/BfQLBVXOAr

— VTV Gujarati News and Beyond (@VtvGujarati) May 26, 2022

પોતાના પાલતુ કુતરા સાથે ફરી શકે તે માટે સ્ટેડિયમ કરાવાઈ છે ખાલી

આરોપ અનુસાર સંજીવ ખારવાલના આવવાના સમય પહેલા 7 વાગ્યા સુધીમાં સ્ટેડિયમને ખાલી કરવવા  આવે છે. તમને જણાવી દઈએ કે, ખેલાડીઓ કહ્યું હતું કે, આ પહેલા તેઓ સ્ટેડિયમમાં રાત્રે 8.30 કલાક સુધી અભ્યાસ કરતાં હતા. પરંતુ ખારવાલ પોતાના કુતરા સાથે ફરવા માટે આવે છે. જેને લઈને સ્ટેડિયમને ખાલી કરાવવામાં આવી દેવાય છે. જેથી તેઓ ફરી શકે. 

જેને લઈને ખેલાડીઓના રૂટીન પર થાય છે અવરોધ  

બીજી તરફ એક કોચ જણાવ્યું હતું કે, પહેલા સવારના 8 થી સાંજે 8.30 વાગ્યા સુધી ખેલાડીઓને ટ્રેંનિગ આપતાં હતાં. પરંતુ હવે સાંજે 7 વાગ્યા સુધી સ્ટેડિયમ ખાલી કરી દેવા જણાવાય છે. જેથી અધિકારી પોતાના કુતરા સાથે ફરી શકે. જેને લઈને અમારું રૂટીન અને અમારુ પ્રશિક્ષણ અવરોધ ઉભો થયો છે. 

સંજીવ ખારવાલે કહ્યું કે, આ તમામ આરોપ તદ્દન ખોટા છે

ખેલાડીઓના કોચ તરફથી લગાવવામાં આવેલા આરોપ પર આઈએસ અધિકારી સંજીવ ખારવાલે કહ્યું કે, આ તમામ આરોપ તદ્દન ખોટા છે. તેની સાથે તેએ માન્યુ કે તેઓ ક્યારેક પોતાના પાલતું કુતરાને સ્ટેડિયમમાં ફરવામાં માટે લઈ જાય છે. પરંતુ તેમણે કહ્યું કે, આ ખોટી વાત છે કેસ, મારા જવાથી ખેલાડીઓની અભ્યાસમાં બાધા આવે છે.