દેશ હાલ કોરોના વાયરસના મહાસંકટમાંથી પસાર થઇ રહ્યો છે,ત્યારે આ વચ્ચે કોંગ્રેસ-ભાજપ વચ્ચે રાજકીય ધમાસાણ ચાલી રહ્યું છે. આ ધમાસાણ વચ્ચે કર્ણાટકના શિમોગા જિલ્લામાં કોંગ્રેસ અધ્યક્ષ સોનિયા ગાંધી સામે એફઆઇઆર દાખલ કરવામાં આવી છે. એફઆઇઆરમાં આરોપ લગાવામાં આવ્યો છે કે કોંગ્રેસ પક્ષ દ્વારા સોશિયલ મીડિયામાં ખોટી જાણકારી ફેલાવામાં આવી રહી છે.
કર્ણાટકમાં કોંગ્રેસ અધ્યક્ષ સોનિયા ગાંધી વિરુદ્ધ FIR
કોંગ્રેસના ટ્વિટર એકાઉન્ટ પર ખોટી જાણકારી આપવાનો આરોપ
એવો દાવો કરવામાં આવ્યો છે કે 11 મેના રોજ કોંગ્રેસ પાર્ટી તરફથી ખોટા દાવા કરવામાં આવ્યાં અને કેન્દ્ર સરકાર ખોટો આરોપ લગાવામાં આવ્યાં. જેમાં પ્રધાનમંત્રી કેઅર્સ ફંડ સાથે જોડાયેલા કેટલાક આરોપ લગાવામાં આવ્યાં જે ખોટા હતા.
જેના આધાર પર કોંગ્રેસ અધ્યક્ષ સોનિયા ગાંધી સામે એફઆઇઆર દાખલ કરવામાં આવી છે. એફઆઇઆરમાં અપીલ કરવામાં આવી છે કે સોનિયા ગાંધી સામે કાયદાકીય કાર્યવાહી કરવી જોઇએ.
FIR registered against Congress President Sonia Gandhi In Shivamogga, Karnataka over Congress party's tweet on 11th May on PMCARES fund. The FIR identifies her as the handler of the social media account. (file pic) pic.twitter.com/yxS8JYocvi
ઉલ્લેખનીય છે કે કોરોના વાયરસ મહાસંકટ વચ્ચે કોંગ્રેસ તરફથી સતત મોદી સરકાર પર આરોપ લગાવામાં આવી રહ્યાં છે. કોંગ્રેસ તરફથી સતત કેન્દ્ર સરકાર પર રાજ્યો સાથે સોતેલાપણાનું વર્તન કરવાનો આરોપ લગાવામાં આવી રહ્યો છે. આ સિવાય કોરોના સંકટ વચ્ચે પ્રધાનમંત્રી કેઅર્સ ફંડની જાણકારી સાર્વજનિક કરવાની અપીલ કરવામાં આવી રહી છે.