મહિલા સશક્તિકરણનું ઉત્તમ ઉદાહરણ સુરત જિલ્લાના બારડોલીમાં સામે આવ્યું છે. અહીં બે મહિલાએ બારડોલીથી નવસારીના પવિત્રધામ દાંડી સુધી પદયાત્રા કરી. પદયાત્રા સાંભળીને તમને એમ લાગશે કે એમાં ક્યાં મોટું કામ છે. પણ અહીં પદયાત્રા ઊંધા ચાલીને કરી છે. બારડોલીની સ્વાતી ઠાકર અને ટ્વિન્કલ ઠાકરે નારી શક્તિ બતાવી. બારડોલીથી દાંડી સુધી ઊંધા પગપાળા ચાલીને પદયાત્રા કરી. 24 કલાકમાં 100 કિલોમીટર ઊંધા ચાલીને બન્ને મહિલા ગીનીસ બુકમાં નામ નોંધાવશે. સ્વાતી અને ટ્વિન્કલ ઠાકરનું માનવું છે કે દરેક નારીઓએ પોતાની અંદર છુપાયેલી શક્તિઓ અંગે જાણવું જોઈએ. તે મામલે નારીઓને આગળ વધવું જોઈએ. મહાત્મા ગાંધીજી નારીઓને ખુબ પ્રાધાન્ય આપતા હતા જેથી દાંડી સુધીની યાત્રા પસંદ કરવામાં આવી છે.