Video / ટક્કર મારી દઉ કે? રન દોડતી વખતે સામે આવ્યો ઇંગ્લિશ ખેલાડી, પંત અને રોહિતનો ગ્રાઉન્ડ પરની વાતચીતનો VIDEO વાયરલ

• ટીમ ઇન્ડિયાએ બીજી ટી20માં ઈંગ્લેન્ડને 49 રનથી હરાવી
• રોહિત શર્માની સાથે રિષભ પંત ઓપનિંગમાં ઉતર્યા હતા
• બોલર જાણી જોઈને સામે આવી ગયો હતો

રોહિત શર્માની આગેવાનીમાં ટીમ ઇન્ડિયા શાનદાર પ્રદશન કરી રહી છે. ટીમ ઇન્ડિયાએ બીજી ટી20માં ઈંગ્લેન્ડને 49 રનથી હરાવીને 3 મેચની સિરિજમાં 2-0થી જીત મેળવી લીધી છે. આ મુકાબલામાં રોહિત શર્માની સાથે રિષભ પંત ઓપનિંગમાં ઉતર્યા હતા. ઓપનર તરીકે પંતને પહેલી વખત મોકો મળ્યો હતો. આ મેચમાં પણ ટીમ ઇન્ડિયાએ પહેલા બેટિંગ કરી અને તાબડબોત શરૂઆત કરી હતી. 

India seal the series in Birmingham.

🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/mYFEqnqxkI

— England Cricket (@englandcricket) July 9, 2022

કેપ્ટન રોહિત શર્માની સાથે રિષભ પંત ઓપનિંગ કરવા આવ્યા અને સૌને ચોંકાવી દીધા હતી. બન્ને વચ્ચે 49 રનની પાર્ટનરશિપ થઈ હતી, જેમાં રોહિત શર્માએ તોફાની 31 રન ફટકાર્યા હતા. પહેલી વખત ઓપનિંગમાં આવેલા પંતે 26 રન બનાવ્યા હતા.ટીમમાં વાપસી કરી રહેલા વિરાટ કોહલી એક જ રન બનાવી શક્યા હતા. આ સિવાય સૂર્યકુમાર યાદવ(15), હાર્દિક પંડ્યા(12) રન બનાવીને ફ્લૉપ થયા હતા. અંતમાં ટીમ ઇન્ડિયાની લાજ રવિન્દ્ર જાડેજાએ બચાવી હતી, જેમણે 29 બોલમાં 46 રન બનાવ્યા અને ટીમ ઇન્ડિયાને સ્કોરને 170 સુધી પહોંચાડ્યો હતો.

મેચની શરૂઆતમાં રોહિત શર્મા અને રિષભ પંત ઓપનિંગ કરવા આવ્યા હતા ત્યારે ઈંગ્લેન્ડના બોલર ડેવિડ વિલી ઇનિંગની પહેલી ઓવર નાખી રહ્યા હતા. ત્રીજા બોલ પર રિષભ પંત શોર્ટ મિડવિકેટ પર શૉટ મારીને રન માટે દોડવા લાગ્યા. જો કે ડાયરેક્ટ થ્રો પર તેઓ રન આઉટ  થઈ શકતા હતા. એ સમયે એમને રોહિતને જણાવ્યું કે બોલર જાણી જોઈને સામે આવી ગયો હતો અને બોલ્યો હતો 'ટક્કર મારી દઉં?' આ વાત પર રોહિતે શું જવાબ આપ્યો અને બંને વચ્ચે શું વાતચીત થઈ એ વિડીયો સોશ્યલ મીડિયામાં વાયરલ થઈ રહ્યો છે. 

Rishabh Pant asking " takkar mardu kya" 😭😭❤️ pic.twitter.com/4I4bIEx0ZJ

— time square 🇮🇳 (@time__square) July 9, 2022

જો કે મેચ વિશે વાત કરી તો ટીમ ઇન્ડિયાની ઇનિંગ પૂરી થઇ તો લાગ્યું કે 170 રન ક્યાંક ઓછા ન પડી જાય, પરંતુ ભારતીય ટીમની બોલિંગે એવો કમાલ કર્યો કે ઇંગ્લેન્ડ ટકી  શક્યું ન હતું. ઇંગ્લેન્ડની ટીમ માત્ર 121ના સ્કોર પર જ ઓલઆઉટ થઇ ગઈ હતી. ખાસ વાત એ છે કે એજબેસ્ટનમાં જ ટીમ ઇન્ડિયાને ટેસ્ટ મેચમાં હારનો સામનો કરવો પડ્યો હતો અને હવે એજબેસ્ટનમાં જ ટી-20 સીરીઝમાં જીત મેળવીને તેનો બદલો લીધો છે.