જમ્મૂ-કાશ્મીરના અનંતનાગ જિલ્લામાં આતંકીઓ અને સુરક્ષા બળો વચ્ચે અથડામણ થઇ હોવાના અહેવાલ પ્રાપ્ત થયા છે. CRPF ની ક્વિક એક્શન ટીમની સાથે પોલીસ અને સેનાની 3 રાષ્ટ્રીય રાઇફલ્સની સંયુક્ત ટીમ દ્વારા આ ઓપરેશન હાથ ધરવામાં આવ્યું છે.
જમ્મૂ-કશ્મીરમાં આતંકીઓની નાપાક હરકત યથાવત
અનંતનાગમાં છૂપાયા છે 3 આતંકી
સુરક્ષાબળોએ સર્ચ ઓપરેશન હાથ ધર્યું
અનંતનાગમાં આતંકીઓ છુપાયા હોવાની સુચના મળતા સુરક્ષા બળ દ્વારા આ વિસ્તારમાં સર્ચ ઓપરેશન હાથ ધરવામાં આવ્યું. જો કે અનંતનગમાં છુપાયેલા આતંકીઓને ઘેરાઇ ગયા હોય તેવું લાગતા સુરક્ષાબળો ઉપર ફાયરિંગ શરૂ કર્યું. જેને લઇને સુરક્ષાબળ અને સયુંકત ટીમ દ્વારા જવાબી કાર્યવાહી શરૂ કરવામાં આવી.
An encounter has started at Srigufwara area of Anantnag. Police and security forces are on the job. Further details shall follow: Kashmir Zone Police
ઉલ્લેખનીય છે કે ઉત્તર કાશ્મીરના બારામુલા જિલ્લાના સોપોરમાં ગઇકાલે સુરક્ષા બળોએ ત્રણ આતંકીઓને અથડામણમાં ઠાર માર્યા હતા. માર્યા ગયેલા ત્રણ આતંકીઓ પાસેથી AK 47 રાઇફલ તેમજ વિસ્ફોટ સામગ્રી મળી આવી હતી.
સોપોરના રેબાન ગામમાં આતંકીઓની ઉપસ્થિતિની સૂચના પર રવિવારે સવારે સુરક્ષા બળોએ સર્ચ ઓપરેશન હાથ ધર્યું હતું. આ દરમિયાન એક ઘરમાં છૂપાયેલા આતંકીઓએ ઘેરાઇ ગયા હોવાનું જાણી સુરક્ષા બળો ઉપર ફાયરિંગ શરૂ કરી દીધું. જો કે સુરક્ષાબળોએ પહેલા આત્મસમર્પણ માટે તક આપી. ત્યારબાદ આતંકીઓએ કરેલા ફાયરિંગનો જડબાતોડ જવાબ આપી ત્રણેય આતંકીઓને ઠાર માર્યા હતા.