બિનવારસી હાલતમાં પેટી સાથે સિલિન્ડર જેવી સામગ્રી પણ મળી આવી
કચ્છના જખૌ દરિયા નજીક શંકાસ્પદ પેટી મળી આવી
કચ્છના જખૌ દરિયા નજીક કારતુસની ખાલી પેટી મળી આવી
બિનવારસી હાલતમાં પેટી મળી આવતા તપાસ શરૂ
હજુ તો મુંદ્રા પોર્ટ પરથી મળેલા 10 હાજર કરોડના ડ્રગ્સના પડઘા શાંત થાય નથીને જખો દરિયા નજીક શંકાસ્પદ પેટી મળી આવી આવતા કચ્છની દરિયાઇ સીમા ફરી ચર્ચામાં આવી છે. જખૌ દરિયા નજીક કારતુસની ખાલી પેટી મળી આવી જેની જાણ પોલીસને કરવામાં આવતા મોટા અધિકારી સહિતનો મરીન પોલીસનો કાફલો ઘટનાસ્થળે દોડી આવ્યો હતો.બિનવારસી હાલતમાં કારતુસની ખાલી પેટી મળતા અનેક શંકા કુશંકા સેવાઇ રહી છે.
ડોગ સ્કવોડ અને બોમ્બ સ્કવોડની મદદથી તપાસ શરૂ
મામલાની ગંભીરતાને સમજી કોણે પેટી મૂકી, કેમ પેટી મૂકી અને ક્યારે મૂકી તેવા અનેક સવાલો જવાબ મેળવવા જખો મરીન પોલીસ તપાસમાં જોતરાઈ ગઈ છે અને ગહન તપાસ કરી રહી છે. પ્રથમ દ્રષ્ટિએ પેટીમાં કારતુસ ભર્યા હોવાનું અનુમાન લગાવાઈ રહ્યું છે. આથી આગામી સમયમાં કોઈ અઘટિત ઘટના ન ઘટે તે માટે સાવચેતીના ભાગ રૂપે ડોગ સ્કવોડ અને બોમ્બ સ્કવોડની મદદથી તપાસ શરૂ કરવામાં આવી છે. પેટી સાથે સિલિન્ડર જેવી સામગ્રી પણ મળી આવતા પોલીસની શંકા બમણી થઈ છે. કોઈ કાવતરાના ભાગ રુપે તો પેટી બિનવારસી હાલતમાં મૂકી નથી ને? તે પાસે પણ પોલીસ તપાસ કરી રહી છે.
ગુજરાતના દરિયાનો ઉપયોગ કાળા કારોબારમાં કેમ થાય છે?
2021ના વર્ષમા ગુજરાત કિનારા પર તથા ભારત પાકિસ્તાનની આંતરરાષ્ટ્રીય જળ સિમામાંથી કરોડો રૂપીયાના હેરોઈન ડ્રગ્સના કન્સાઈમેન્ટ પકડાયા છે. જેમાં ગત 19 સપ્ટેમ્બરે પોરબંદર કોસ્ટ ગાર્ડ અને એટીએસ ટીમે. . આંતરરાષ્ટ્રીય દરિયાઈ સિમામાંથી 7 ઈરાની શખ્સને બોટ અને 150 કરોડ રુપીયાના હેરોઈન સાથે ઝડપી લીધા છે. ગત 15 સપ્ટેમ્બરે મુંદ્રામાંથી DIRએ બે કન્ટેનરમાંથી 2988 કિલોગ્રામ હેરોઈન જપ્ત કર્યું છે. જેની કિંમત 10 હજાર કરોડ આંકવામાં આવી છે. આ સિવાય આંકડા પર નજર કરીએ તો. જાન્યુઆરી 2021માં કચ્છના દરિયામાંથી 5 પાકિસ્તાની માછીમાર સાથે 175 કરોડનું હેરોઈન ઝડપાયું હતું. જ્યારે એપ્રિલ 2021માં 8 પાકિસ્તાની સાથે 150 કરોડનું 30 કિલોગ્રામ હેરોઈન ઝડપાયું હતું. આ પહેલા ગુજરાત ATSએ 2019માં આંતરરાષ્ટ્રીય જળસીમામાંથી 100 કિલો હેરોઈનનો જથ્થો ઝડપ્યો હતો. તો 2018માં જામ સલાયાના બે શખ્સો પાસેથી 30 કરોડનું 5 કિલો હેરોઈન ઝડપાયું હતું. . તો 2017માં સુરક્ષા એજન્સીઓએ 1500 કિલોગ્રામ હેરોઈન ગુજરાતની જળસીમામાંથી ઝડપ્યું હતું. આ આંકડા જ દર્શાવે છે કે, ગુજરાત અને દેશના યુવાનોની જિંદગી બર્બાદ કરવા માટે દર વર્ષે કેટલા પ્રમાણમાં ડ્રગ્સ ઘુસાડવામાં આવે છે.