ક્રાઈમ / VIDEO : નડિયાદની બેન્કમાં ચોંકાવનારી ઘટના, શખ્સે કર્મચારીને ઝીક્યા લાફા, વીડિયો વાયરલ

• નડિયાદની બેન્ક ઓફ ઈન્ડીયાની બ્રાન્ચમાં બની ઘટના
• યુવાને બેન્ક કર્મચારીને માર માર્યો
• બેન્ક લોન બાબતે યુવાન ઉશ્કેરાયો હોવાનું આવ્યું સામે 

બેન્કો તેની લોભામણી ઓફરોની જાણકારી આપવા લોકોને ફોન કરી કરીને પરેશાન કરી મૂકતા હોય છે. બેન્કવાળા ગમે ત્યારે ગમે તે સમયે ફોન કરીને તેની ઓફર ખપાવી દેતા હોય છે અને તેનું પરિણામ ક્યારેક અવળું આવતું હોય છે. નડિયાદની બેન્ક ઓફ ઈન્ડીયાના એક કર્મચારીને લોકોને ફોન કરવાનું ખૂબ ભારે પડ્યું અને તેને ધોળે દિવસે બેન્કમાં જ માર ખાવાનો વારો આવ્યો જોકે આ કેસમાં પોલીસ કેસ દાખલ થયો છે. નડિયાદની બેન્ક ઓફ ઈન્ડીયામાં બનેલી આ ઘટનામાં બેંકમાંથી આવતા ફોન કોલથી એક વ્યક્તિ એટલો કંટાળી ગયો કે તે બેંકમાં જઈને કર્મચારીને થપ્પડ મારવા લાગ્યો હતો. 

#WATCH | An employee of the Bank of India, Nadiad branch was thrashed by a customer over the issue of a bank loan on 3rd February. Case registered under SC-ST (Prevention of Atrocities Act) in Nadiad Town Police Station#Gujarat pic.twitter.com/JJbMzA2cOO

— ANI (@ANI) February 5, 2023

સોશિયલ મીડિયા પર વીડિયો વાયરલ 
આ વીડિયો હવે સોશિયલ મીડિયા પર જોરદાર વાયરલ થઈ રહ્યો છે. વાયરલ વીડિયોમાં જોઈ શકાય છે કે, એક ગ્રાહક દ્વારા બેંક કર્મચારીને માર મારવામાં આવી રહ્યો છે. ગ્રાહકે કર્મચારીને અનેક વાર થપ્પડ મારી હતી. કર્મચારીને છોડાવવા વચ્ચે પડ્યાં તો તેને પણ માર માર્યો હતો. 

શું છે આખો કેસ?
મીડિયા રિપોર્ટ્સ અનુસાર, બે લોકોએ બેંક ઓફ ઈન્ડિયાના કર્મચારી મનીષ ધનગરને માર માર્યો હતો. મનીષ બેંકમાં લોનનું કામ સંભાળે છે. મનીષે પોલીસને જણાવ્યું હતું કે, શુક્રવારે સમર્થ બ્રહ્મભટ્ટ નામનો ગ્રાહક બેન્કમાં આવ્યો હતો અને તેને માર મારવા લાગ્યો હતો. મનીષે જણાવ્યું કે સમર્થે તેને ઘણી વાર થપ્પડ મારી હતી અને લાત પણ મારી હતી.

પોલીસ બે આરોપીઓની કરી ધરપકડ 
મનીષે પોલીસને જણાવ્યું હતું કે સમર્થ બેંકથી ગુસ્સે હતો. બેંકે તેને વીમા પોલિસીની નકલ સબમિટ કરવા માટે બોલાવ્યો હતો. જમા ન કરવા બદલ તેમને બેંકમાંથી ઘણી વખત બોલાવવામાં આવ્યા હતા. તેમણે વીમા પોલિસીની નકલ સબમિટ કરવાનો ઈનકાર કર્યો હતો. અને ગુસ્સે થઈને બેંકમાં આવીને કર્મચારીને માર મારવા લાગ્યો હતો. આ સમગ્ર વીડિયો સીસીટીવી કેમેરામાં કેદ થયો હતો. આ વીડિયો સોશિયલ મીડિયા પર વાયરલ થઈ રહ્યો છે. પોલીસે બંને આરોપીઓની ધરપકડ કરી લીધી છે.