ધરતીકંપ / BREAKING : બનાસકાંઠામાં ભૂકંપ, વાવથી 84 કિમી દૂર 4.0ની તીવ્રતાનો આંચકો, કેન્દ્રબિંદુ રાજસ્થાનનું બાડમેર

• બનાસકાંઠામાં ભૂકંપ
• રિક્ટર સ્કેલ ઉપર 4.0ની તીવ્રતા
• ભૂકંપનું કેન્દ્રબિંદુ રાજસ્થાનનું બાડમેર

બનાસકાંઠામાં અનુભવાયો ભૂકંપનો આંચકો
ગુજરાતનાં કચ્છમાં અવારનવાર ભૂકંપનાં આંચક અનુભવાતા હોય છે ત્યારે આજે બનાસકાંઠાની ધરતી ધ્રુજી ઉઠતાં લોકોમાં ભયનો માહોલ જોવા મળ્યો છે. વાવથી 84 કિમી દૂર આ આંચકી અનુભવાયો હતો અને ભૂકંપનું કેન્દ્રબિંદુ રાજસ્થાનનું બાડમેર હોવાનું જાણવા મળ્યું છે. નોંધનીય છે કે ભૂકંપની તીવ્રતા રિક્ટર સ્કેલ પર 4.0 નોંધાતા છેક પાલનપુર સહિતનાં વિસ્તારોમાં પણ હલકા આંચકા અનુભવાયા હતા. 

બનાસકાંઠામાં અનુભવાયો ભૂકંપનો આંચકો : વાવથી 84 કિલોમીટર દૂર અનુભવાયો આંચકો, ભૂકંપનું એપી સેન્ટર રાજસ્થાનનું બાડમેર હોવાનું સામે આવ્યું, તીવ્રતા રિક્ટર સ્કેલ ઉપર 4.0ની નોંધાઈ#Banaskantha #Earthquake #Rajasthan

— VTV Gujarati News and Beyond (@VtvGujarati) August 26, 2021

પાંચ દિવસ અગાઉ કચ્છમાં આવ્યો હતો ભૂકંપ
21 ઓગસ્ટના રોજ કચ્છમાં બપોરે 12.08 કલાકે ફરી એકવખત ભૂકંપનો આંચકો આવતા સમગ્ર પંથકમાં ફફડાટ ફેલાયો હતો, રિક્ટર સ્કેલ પર ભૂકંપની તીવ્રતા 4.1ની માપવામાં આવી છે. તો ભૂકંપનું કેન્દ્ર બિંદુ ધોળાવીરાથી 23 કિલોમીટર દૂર નોંધાયું હતું. 

19 ઓગસ્ટે જામનગરમાં આવ્યો હતો ભૂકંપ 
સપ્તાહ પહેલા જામનગરમાં પણ ભૂકંપનો આંચકો અનુભવાતા લોકોમાં દોડાદોડી મચી હતી. એ જ   સવારે જમ્મુ અને મેરઠમાં ભૂકંપ આવ્યા બાદ ગુજરાતમાં પણ જામનગર ખાતે આંચકા અનુભવાયા હતા. જામનગર ખાતે ભૂકંપના આંચકાથી ભયભીત લોકો ઘરની બહાર દોડ્યા હતા. ભૂકંપની તીવ્રતા 4.3 નોંધાઇ હતી. સાંજે 7:13 વાગ્યે ભૂકંપનો આંચકો આવ્યો હતો. જો કે, જાનહાનિના કોઇ સમાચાર સામે આવ્યા નથી. ભૂંકપના જોરદાર ઝટકાથી લોકો ભયભીત બન્યા હતા. 

ભૂંકપના આંચકા આવે ત્યારે શું કરવું?

ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.