અફઘાનિસ્તાનમાં આવેલા ભૂકંપે ભયંકર તબાહી મચાવી છે. અત્યાર સુધીમાં 1000 જેટલા લોકોના મોત થઈ ગયા છે, જ્યારે 1500થી વધારે લોકો ઘાયલ થયા છે.
અફઘાનિસ્તાનમાં તબાહી મચી
ભૂકંપના કારણે સોથ વળી ગયો
950 જેટલા લોકોના થયા મોત
ભૂકંપે અફઘાનિસ્તાને ભયંકર તબાહી મચાવી છે. મોડી રાતે આવેલા ભૂકંપમાં લગભગ 1000 જણાના મોત થયા હોવાની વાત કહેવાય છે અને 1500થી વધારે લોકો ઘાયલ છે. આ દાવો ડિજાસ્ટર મેનેજમેન્ટ વિભાગના ડેપ્યુટી મિનિસ્ટર મૌલવી શરફુદ્દીને કર્યો છે.
UPDATES- ( 5.10 PM)
ભૂકંપના આ ઝટકા પાકિસ્તાનમાં પણ અનુભવાયા હતા. રિક્ટર સ્કેલ પર ભૂકંપની તિવ્રતા 6.1 માપવામાં આવી હતી. યુએસ જિયોલોજિકલ સર્વે મુજબ ભૂકંપનું કેન્દ્ર અફઘાનિસ્તાનના દક્ષિણપૂર્વમાં હતું. ભૂકંપના કારણે અફઘાનિસ્તાનમાં અત્યાર સુધીમાં 950 લોકોના મોત થઈ ગયા છે. તો વળી 610 લોકો ઘાયલ પણ થયા છે. આ ભૂકંપ પક્તિકા અને ખોસ્ત પ્રાંતમાં આવ્યો હતો.
પાકિસ્તાનમાં પણ અનુભવાયા આંચકા
એક રિપોર્ટ અનુસાર ભૂકંપના ઝટકા પાકિસ્તનના ઈસ્લામાબાદ સહિત બાકીના શહેરોમાં પણ અનુભવાયા હતા. સોશિયલ મીડિયા પર પણ લોકો ભૂકંપની વાતો કરી રહ્યા છે. લોકોએ લખ્યું કે, ભૂકંપના આ ઝટકા અમુક સેકન્ડ સુધી અનુભવાયા હતા. પણ તેના કારણે લોકોમાં ડર ફેલાતા આમ તેમ ભાગવા લાગ્યા હતા.
આ અગાઉ શુક્રવારે પણ પાકિસ્તાનમાં ભૂકંપના આંચકા આવ્યા હતા. ત્યારે ઈસ્લામાબાદ, પેશાવર, રાવલપિંડી અને મુલ્તાનમાં મોટા ઝટકા અનુભવાયા હતા. આ ઝટકા ફેસલાબાદ, એબટાબાદ, સ્વાત, બુનેર, કોહાટ અને મલકાંડીમાં અનુભવાયા હતા.