રાજનીતિ / VIDEO : રાહુલ સામેની પોલીસ કાર્યવાહીને કોસતાં CM ગેહલોતથી થયો મોટો બફાટ, યૂઝર્સે પકડી પાડ્યાં, જુઓ વીડિયો

• રાહુલ સામેની દિલ્હી પોલીસની કાર્યવાહીની ટીકા કરી સીએમ ગેહલોતે
• ટીકા કરવામાં ન રહ્યું ભાન
• ઈન્દીરા ગાંધીની ઈમરજન્સી કાળની લોકોને દેવડાવી યાદ
• પોતાની પાર્ટીની મજાક ઉડાવી હોવાનો સોશિયલ મીડિયામાં મત 

અશોક ગેહલોતે કહ્યું કે જ્યારે રાહુલ ગાંધીએ કહ્યું કે નોટિસ મળી છે અને તે તેનો જવાબ આપી રહ્યા છે, તેમ છતાં પોલીસ તેમના ઘરે જાય છે તે ઇન્દિરા ગાંધીના યુગની યાદ અપાવે છે. ઈન્દિરા ગાંધીના કાર્યકાળમાં જ્યારે આવા કૃત્યો થયા ત્યારે તેનું પરિણામ શું આવ્યું તે તો બધા જ જાણે છે. તે લોકોને મોંઢુ ખાવું પડતું હતું. આજની ઘટના કોઈ નાની ઘટના નથી. રાષ્ટ્રીય અધ્યક્ષ રહેલા નેતાના ઘરે પહોંચવાની તેમની હિંમત કેવી રીતે થઈ? ગેહલોતે કહ્યું કે અમિત શાહના આદેશ વિના દિલ્હી પોલીસ કાર્યવાહી કરી શકે નહીં. અમિત શાહના આદેશ વગર પોલીસ કોઇ રાષ્ટ્રીય નેતાના ઘરમાં બિનજરૂરી રીતે ઘુસવાની હિંમત કરી શકે નહીં.

#RahulGandhi के आवास पर दिल्ली पुलिस की कार्रवाई से नाराज राजस्थान के मुख्यमंत्री #AshokGehlot ने कांग्रेस की ही आलोचना कर दी। उन्होंने कार्रवाई को इंदिरा गांधी के कार्यकाल के दौरान हुई तानाशाही को याद दिला दिया...आप भी सुनिए...@ashokgehlot51 @INCIndia @RahulGandhi @BJP4India pic.twitter.com/eej7PB0wHu

— Asianetnews Hindi (@AsianetNewsHN) March 19, 2023

ટ્રોલ થયા અશોક ગેહલોત 
રાજસ્થાનના મુખ્યમંત્રી અશોક ગેહલોતને રાહુલ ગાંધીના મામલે ઈન્દિરા ગાંધી સરકારની તાનાશાહીની યાદ અપાવવા બદલ સોશિયલ મીડિયા પર ટ્રોલ કરવામાં આવી રહ્યા છે. બધા યુઝર્સ પૂછી રહ્યા છે કે ગેહલોત કોના પક્ષમાં છે. એક યુઝરે લખ્યું કે તે ભૂલી ગયા છે કે તે હજી પણ કોંગ્રેસમાં છે. એકે લખ્યું કે ગેહલોત સત્યની સાથે છે.

Despite Rahul Gandhi told that he will reply to the notice, the Police reached his house and this reminds us of the time of Indira Gandhi. When such things happened during Indira Gandhi’s tenure, everyone knows what were the results: Ashok Gehlot, Rajasthan CM in Delhi pic.twitter.com/1z6sjMr4Yl

— ANI (@ANI) March 19, 2023

રાહુલ ગાંધીના ઘેર પહોંચી દિલ્હી પોલીસ 
ભારત જોડો યાત્રા દરમિયાન રાહુલે આપેલા નિવેદનને લઈને દિલ્હી પોલીસે અગાઉ રાહુલને નોટિસ મોકલી હતી. તેમને પોલીસ દ્વારા 'જાતીય સતામણી' પીડિતો વિશે માહિતી માંગવા માટે આપવામાં આવી હતી જે પછી આજે દિલ્હી પોલીસ રાહુલ ગાંધીના ઘેર પહોંચી હતી અને તેમના જવાબની માગ કરી હતી. 

જાણો શું છે સમગ્ર મામલો ? 
શ્રીનગરમાં રાહુલ ગાંધીએ ભારત જોડો યાત્રાના છેલ્લા દિવસે નિવેદન આપ્યું હતું કે, આજે પણ મહિલાઓનું યૌન શોષણ થઈ રહ્યું છે. જેને લઈ દિલ્હી પોલીસે 16 માર્ચે રાહુલ ગાંધીને નોટિસ મોકલીને પૂછ્યું હતું કે, આ વાત કઈ મહિલાઓ માટે છે. રાહુલ ગાંધીએ તેની વિગતો દિલ્હી પોલીસને આપવી જોઈએ. દિલ્હી પોલીસના સૂત્રોના જણાવ્યા અનુસાર કોંગ્રેસના નેતાએ હજુ સુધી દિલ્હી પોલીસને જવાબ આપ્યો નથી.