જમ્મૂ-કાશ્મીરની હાલની સ્થિતિથી આપણે કોઇ વાકેફ છીએ, કલમ 370 ખત્મ કર્યા પછી ઘાટીમાં સ્થિતિને લઇને સતત સમાચાર સામે આવી રહ્યા છે. વિસ્તારોમાં મોબાઇલ અને ઇન્ટરનેટની સેવા બંધ છે. એવામાં ઘરથી દૂર કાશ્મીરમાં તૈનાત જવાનો પોતાના પરિવારના લોકોની સાથે પોતાતે ઠીક છે તે અંગે કોઇ મેસેજ પહોંચાડી શકતા નથી. ટેલિફોન બૂથ પર લાંબી લાઇન છે.
આ વચ્ચે સોશ્યલ મીડિયા પર એક જવાનની સાથે જોડાયેલી ઘટના ખૂબ જ વાયરલ થઇ રહી છે, જે દરરોજ ATM ની લાઇનમાં ઉભા રહીને 100 રૂપિયા નીકાળે છે.
વાયરલ થયેલી આ પોસ્ટ અંગેની સત્યતાની કોઇ પુષ્ટિ થઇ નથી, પરંતુ સોશ્યલ મીડિયા પર શૅર ખૂબ જ કરવામાં આવી રહ્યી છે. ખાસ વાત છે કે, આ ઘટનામાં જવાનોની અલગ-અલગ પ્રતિકાત્મક તસ્વીરની સાથે શૅર કરવામાં આવી રહી છે જેથી આ અંગે કોઇ પુષ્ટિ થઇ રહી નથી.
શું છે ફેસબુક પોસ્ટમાં:
પોસ્ટ અનુસાર, આર્મીના એક જવાનની તૈનાતી કાશ્મીરના બારામુલામાં છે કહેવાઇ રહ્યુ છે કે, આ જવાન દરરોજ ખ્વાજા બાગ વિસ્તારના ATM માંથી 100 રૂપિયા નીકાળે છે. તે નોટને વાળીને પોતાના વૉલેટમાં મૂકે છે અને ત્યાંથી ચુપચાપ નીકળી જાય છે. આગામી દિવસે ફરી 100 રૂપિયા નીકાળવા માટે તે લાઇનમાં ઉભો રહી જાય છે.
જવાન વિશે પોસ્ટમાં વધારે કોઇ માહિતી નથી:
જોકે આ ઘટનામાં જવાનના નામ અને તેનાથી જોડાયેલી કોઇ જાણકારી સામે આવી નથી. રિપોર્ટ અનુસાર, જવાન દરરોજ 100 રૂપિયા નીકળતા ATM ના ગાર્ડને કંઇક અજીબ લાગ્યુ, તેણે હિંમત કરીને જવાનને આ અંગે પૂછ્યુ. કથિત રીતે કહેવાય છે કે જ્યારે આ વાતનો જવાબ સાંભળીને કોઇપણ વ્યકિતની અંદરથી ખળભળી ઉઠશે. તમે પણ આ પોસ્ટ વાંચીને થોડા શાંત થઇ જશો.
ફેસબુક પોસ્ટ મુજબ જ્યારે ગાર્ડે આ સવાલ પૂછ્યો તો જવાને કહ્યુ કે, '' આ બેંકમાં જે એકાઉન્ટમાં છે તેમાં મોબાઇલ નંબર લિંક્ડ છે, તે મારી પત્નીનો છે. જેથી હું જ્યારે પણ ATM માંથી રૂપિયા ઉપાડું છું ત્યારે તેને મેસેજ મળે છે. આ રીતે તે જાણી લે છે કે હું જીવિત છું.''ફેસબુક પોસ્ટના અંતમાં લખ્યું છે સાચો પ્રેમ તો આ જ રીતે સાહસ અને બલિદાનથી આગળ વધે. ફેસબુક આ પોસ્ટને Indian Army Fans નામના પેજ પર 1 ઓક્ટોબરે શેર કરવામાં આવી હતી અને જે પછી હજારો લોકો આ પોસ્ટને શૅર કરી રહ્યા છે.