VIRAL VIDEO / ગુસ્સાથી ભરાયેલા હાથી કરી દીધો બસ પર હુમલો, ડ્રાઈવરે કર્યુ કંઈક એવું તો લોકો બોલ્યાં વાહ આને કહેવાય દિમાગથી કામ લેવું  

• ગુસ્સાથી ભરેલા હાથીએ અચાનક  બસ પર કર્યો હુમલો 
• વીડિયો IFS અધિકારી સુપ્રિયા સાહુએ ટ્વિટર પર શેર કર્યો 
• વીડિયોને અત્યાર સુધીમાં 68 હજારથી વધુ લોકોએ જોયો

ગુસ્સાથી ભરેલા હાથીએ અચાનક બસ પર કર્યો હુમલો 

લોકોને હાથીઓનો રમુજી વિડીયો જોવાનું બહુ ગમે છે. પરંતુ ક્યારેક હાથીઓ મનુષ્યો માટે ખતરનાક સાબિત થાય છે. હાથીનો આવો જ એક વીડિયો સોશિયલ મીડિયા પર વાયરલ થઈ રહ્યો છે. જેમાં તેણે મુસાફરોથી ભરેલી એક બસ પર અચાનક હુમલો કરી દીધો હતો. આ દરમિયાન બસના ડ્રાઈવરે સમજણ બતાવી અને હાથીના ગુસ્સાને શાંત કર્યો હતો. જે બાદ લોકો હવે આ ડ્રાઈવરના મનની પ્રશંસા કરી રહ્યાં છે. આ વીડિયો હવે સોશિયલ મીડિયા પર વધુને વધુ વાયરલ થઈ રહ્યો છે. 

Huge respect for the driver of this Government bus in Nilgiris who kept his cool even under the terrifying hits on the bus from an agitated tusker.He helped passengers move back safely, in an incident today morning. Thats why they say a cool mind works wonders VC- by a friend pic.twitter.com/SGb3yqUWqK

— Supriya Sahu IAS (@supriyasahuias) September 25, 2021

વીડિયો IFS અધિકારી સુપ્રિયા સાહુએ ટ્વિટર પર શેર કર્યો 

વાયરલ થતો આ વીડિયો 25 સપ્ટેમ્બરના રોજ IFS અધિકારી સુપ્રિયા સાહુએ ટ્વિટર પર શેર કર્યો હતો. તેમણે કહ્યું કે આ ઘટના તમિલાનાડુંના નીલગીરીનો છે. જ્યાં એક બસ ડ્રાઈવરે બસ પર હુમલો કરતા ગુસ્સે થયેલા ગજરાજથી ડરવા અને પરેશાન થવાને બદલે હાથીના ગુસ્સાને શાંત કર્યો અને મુસાફરોને સુરક્ષિત કર્યા. આ બસ ડ્રાઈવરની સમજણ જોઈને જે પ્રશંસા કરવાની છે તે પણ ઓછી છે.

વીડિયોને અત્યાર સુધીમાં 68 હજારથી વધુ લોકોએ જોયો

વીડિયોના કેપ્શનમાં સુપ્રિયા સાહુએ લખ્યું છે કે, હું નીલગિરીના આ સરકારી બસના ડ્રાઈવરનું હૃદયપૂર્વક સન્માન કરું છું. હાથીએ હુમલો કર્યો અને બસનો કાચ તોડી નાંખ્યો ત્યારે પણ તેણે પોતાનો પરથી ગુસ્સો ગુમાવ્યો નહીં. આ ઘટનામાં ડ્રાઈવરે મુસાફરોને સુરક્ષિત રહેવા મદદ કરી. તેથી જ કહેવાય છે કે શાંત મગજ અજાયબીઓ કરે છે. આ વીડિયોને સોશિયલ મીડિયા પર અત્યાર સુધીમાં 68 હજારથી વધુ વખત જોવામાં આવ્યો છે.

ડ્રાઈવરે સમજદારીથી બસ બાજુમાં ઉભી કરી દીધી 

1 મિનિટના આ વીડિયોમાં તમે જોઈ શકો છો કે ડ્રાઈવર સામે હાથીને જોતાની સાથે જ તે બસની પીઠ કરી તેને એક બાજુ ઉભી કરી દે છે. પરંતુ, હાથી બસની પાછળ આવે છે અને બસ પર હુમલો કરે છે અને બસની વિન્ડશીલ્ડ તોડી નાખે છે. બસમાં બેઠેલા તમામ મુસાફરો ગભરાઈ જાય છે. પરંતુ, ડ્રાઈવર હિંમત દાખવે છે અને પોતાની સીટ પરથી ઉઠે છે અને બાકીના મુસાફરો સાથે બસમાં પાછળની તરફ જાય છે. જેથી હાથી લોકોને જોઈ ન શકે અને શાંતિથી પાછા ફરી શકે.