આયુષ્માન ખુરાનાએ ઈન્સ્ટાગ્રામ પર અક્ષય કુમારને ધન્યવાદ કહ્યું છે. એટલું જ નહીં, તેમણે અક્ષયને ઓજી ખેલાડી કહીને બોલાવ્યો છે. અભિનેતાની પોસ્ટ વાયરલ થઇ ગઇ છે.
બોલીવુડ અભિનેતા આયુષ્માન ખુરાના એક પછી એક ફિલ્મો કરી રહ્યાં છે. હાલમાં તેમને રકુલપ્રીત સિંહ અને જયદીપ અહલાવતની સાથે ફિલ્મ એન એક્શન હીરોમાં જોવા મળ્યાં. આ ફિલ્મને દર્શકો સહિત ફિલ્મ ક્રિટિક્સે પોઝીટીવ રિવ્યુ આપ્યો છે. એવામાં આયુષ્માન ખુરાના પોતાની ફિલ્મને લઇને ખૂબ ખુશ છે. મહત્વનું છે કે આ ફિલ્મમાં અક્ષય કુમારે કેમિયો કર્યો છે. તેમના કેમિયોએ ફિલ્મને વધુ ખાસ બનાવી દીધી છે. હવે એવામાં આયુષ્માન ખુરાનાએ પોતાની ઈન્સ્ટા પોસ્ટ દ્વારા અક્ષય કુમારને ફિલ્મનો ભાગ બનવા માટે ધન્યવાદ કહ્યું છે.
આયુષ્માને ઈન્સ્ટાગ્રામ પર કરી તસ્વીર શેર
આયુષ્માને ઈન્સ્ટાગ્રામ પર તસ્વીર શેર કરતા લખ્યું, ફિલ્મના શાનદાર રિવ્યુના કારણે સાતમા આસમાને છુ. અમારી ફિલ્મ એન એક્શન હીરોનો ભાગ બનવા માટે ધન્યવાદ અક્ષય કુમાર સર. અમે હંમેશા આભારી રહીશુ. તેમણે એવુ પણ લખ્યું, થિયેટરોમાં એન એક્શન હીરોની ટીકિટ બુક કરો.
મહત્વનું છે કે દર્શકો માટે આ પહેલી વખત રહ્યું છે કે આયુષ્માનની સાથે અક્ષય કુમાર થોડા સમય માટે સાચી સ્ક્રીન સ્પેસ શેર કરી છે. અક્ષય સિવાય નોરા ફતેહી અને મલાઈકા અરોરાએ પણ ડાન્સ નંબર માટે આયુષ્માન સાથે દેખાયા છે. ઉલ્લેખનીય છે કે ફિલ્મ એન એક્શન હીરોએ ભલે બૉક્સ પર ધીમી શરૂઆત કરી છે, પરંતુ ફિલ્મમાં સેલિબ્રિટીઓની એક્ટિંગ શાનદાર લાગી રહી છે.