યુનાઈટેડ સ્ટેટ્સમાં 75 હજાર ડોલર ભરેલા પર્સની ચોરીના મામલે પોલીસે એક આરોપીની ધરપકડ કરી છે અને અન્ય આરોપીઓને પકડી પાડવા કાર્યવાહી હાથ ધરી છે.
જોકે ચોર ટોળકીએ છેલ્લે મહિલા ઉપર કાર ચઢાવી દીધી અને કેટલાંક ડોલર લઈ ફરાર થવામાં સફળ થયા હતા. આ સમગ્ર ઘટના વિશે જણાવીએ તો યુનાઈટેડ સ્ટેટ્સના ટેક્સાસમાં એક મહિલાના હાથમાંથી પર્સની ચોરી કરવા આવેલા ચોર સામે મહિલા હિંમત ના હારી અને બાથ ભીડી પણ પર્સ ના છોડયું.
તમને જણાવી દઇએ કે મહિલાના હાથમાંથી ચોર પર્સ લૂંટવાનો પ્રયાસ કર્યો પણ ગુજરાતી મહિલા ચોરને મેથીપાક ચખાડ્યો હતો. ચોર અને મહિલા વચ્ચે પર્સની લડાઈ લાંબો સમય ચાલ્યા બાદ મહિલાની મદદ માટે અન્ય વ્યક્તિ આવ્યો હતો પરંતુ ચોર સાથેના અન્ય તેના સાગરીતો ચોરની મદદે આવી અને મહિલા તથા મદદે આવેલા વ્યક્તિ સાથે મારપીટ કરે છે.
છેલ્લી ઘડી સુધી મહિલાએ પોતાના હાથમાંનુ પર્સ ન છોડયુ અને આખરે એક ચોરે મહિલા અને અન્ય વ્યક્તિ પર કાર ચઢાવી દીધી હતી. બાદમાં તેઓ કાર નીચે ફસડાઈ જતા ચોર ટોળકી પર્સમાંના કેટલાંક ડોલરની ચોરી કરીને ફરાર થયા હતા.