બ્રેકિંગ ન્યુઝ
VTV / ગુજરાત / વડોદરાના સમાચાર / An accident case on Mujamhuda-Akota road in Vadodara
Malay
Last Updated: 12:27 PM, 7 February 2023
ADVERTISEMENT
વડોદરા અકોટા-મુજમહુડા રોડ પર અકસ્માત મામલે મહત્વના સમાચાર સામે આવ્યા છે. જે.પી. રોડ પોલીસે અકસ્માત સર્જનારા સ્નેહલ પટેલ સહિત ચારેયની ધરપકડ કરી છે. સ્નેહલ પટેલ કારના શૉ-રૂમમાં સેલ્સ મેનેજર તરીકે નોકરી કરે છે. તે પાર્સિંગ માટે આવેલી કાર લઈ મિત્રો સાથે રવિવારે રાત્રે ફરવા નીકળ્યો હતો. પોલીસની તપાસમાં અકસ્માત સર્જનાર સ્નેહલ પટેલ અને તેના મિત્રો નશામાં હોવાનું ખુલ્યું છે. આ અકસ્માતના CCTV ફૂટેજ પણ સામે આવ્યા છે.
ADVERTISEMENT
BMW કાર ચાલકે બાઇકસવાર દંપતિને મારી હતી ટક્કર
આ મામલે વિગતવાર વાત કરીએ તો શહેરના અકોટ વિસ્તારમાં રહેતા અયાજ અહેમદ શેખ અને તેમની પત્ની શાહીનબેન રવિવારે રાત્રે તેમના સાઢુભાઈના ઘરેથી પરત આવી રહ્યા હતા. આ દરમિયાન રાત્રે 9.00 વાગ્યાની આસપાસ મુજમહુડા-અકોટા રોડ પર પૂરપાટ ઝડપે આવતી એક BMW કાર ચાલકે તેમને અડફેટે લીધા હતા. જેમાં બાઇક પર સવાર અયાજ અહેમદ શેખ અને તેમની પત્નીને ગંભીર ઈજાઓ થઈ હતી. આ બનાવને પગલે ઘટનાસ્થળે રાહદારીઓના ટોળેટાળા એકઠા થઈ ગયા હતા.
સારવાર દરમિયાન મહિલાનું નીપજ્યું હતું મૃત્યુ
ગંભીર રીતે ઈજાગ્રસ્ત થયેલા દંપતીને 108 એમ્બ્યુલન્સ મારફતે સયાજી હોસ્પિટલમાં દાખલ કરવામાં આવ્યા હતા. જ્યાં સારવાર દરમિયાન શાહીનબેન શેખ મોત નિપજ્યું હતું. કારની અડફેટે મોતને ભેટેલ શાહીનબેનને સંતાનમાં 15 વર્ષનો પુત્ર ઉમર અને 11 વર્ષની પુત્રી ફાતિમા છે. બંનેએ કિશોરાવસ્થામાં જ માતા ગુમાવતા પરિવાર પર દુખનો પહાડ તૂટી પડ્યો છે.
પોલીસે ગણતરીની કલાકોમાં જ
આ બનાવને પગલે જે.પી. રોડ પોલીસની ટીમ હોસ્પિટલ ખાતે દોડી આવી હતી. જે બાદ પોલીસ દ્વારા અકસ્માત સર્જનારાઓને શોધવા ચક્રો ગતિમાન કરવામાં આવ્યા હતા. પોલીસે ગણતરીની કલાકોમાં જ અકસ્માત સર્જનાર સ્નેહલ પટેલ સહિત ચારેયની ધરપકડ કરી છે. પોલીસની પ્રાથમિક તપાસમાં જાણવા મળ્યું છે કે સ્નેહલ છાણી વિસ્તારમાં આવેલ કારના શો રૂમમાં નોકરી કરે છે, તે રવિવારે રાત્રે પાર્સિગ માટે આવેલી કારમાં મિત્રોને લઈને નીકળ્યો હતો. તપાસમાં તમામ નશામાં ચૂર હોવાનું સામે આવ્યું છે.
અકસ્માત સર્જનારની ધરપકડ
- સ્નેહલ જિગ્નેશભાઇ પટેલ
- વિશાલ ધોંડીરામ મોરે
- સદ્દામભાઇ મોહંમદઅલી શેખ
- મકસુદ મીરસાહબ સિંધા
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.