બનાસકાંઠાના ભીલડી રોડ ઉપર ગંભીર દુર્ઘટના સર્જાઈ હતી. કાર અને છકડા વચ્ચે અકસ્માત સર્જાતા બે લોકોના કરુણ મોત નિપજ્યા
ભીલડી રોડ ઉપર સર્જાઈ દુર્ઘટના
છકડામાં સવાર 2ના મૃત્યુ, 13ને ઈજા
ઈજાગ્રસ્તોને સારવાર અર્થે ખસેડાયા
બનાસકાંઠાના ભીલડી રોડ ઉપર ગંભીર દુર્ઘટના સર્જાઈ હતી. કાર અને છકડા વચ્ચે અકસ્માત સર્જાતા બે લોકોના કરુણ મોત નિપજ્યા હતા. જ્યારે અકસ્માતમાં 13 લોકોને નાની મોટી ઈજા પહોંચી હતી. અકસ્માત એટલો ગંભીર હતો કે એકાએક ધડાકાભેર કાર છકડો રીક્ષા સાથે અથડાઈ હતી જેમાં છકડામાં સવાર મુસાફરો ઈજાગ્રસ્ત થયા હતા, તો અક્સમાતમાં બે લોકોના મોત પણ થયા છે.
બનાસકાંઠાના ભીલડી રોડ ઉપર દુર્ઘટના
અકસ્માતને પગલે રોડ પર આસપાસના લોકો મદદ માટે દોડી આવ્યા હતા અને ઘટના જાણ તુરંત 108ની ટીમને કરાતા 108 મદદ માટે આવી પહોંચી હતી જેમાં ઈજાગ્રસ્ત લોકોને સારવાર અર્થે ખસેડવામાં આવ્યા હતા. જ્યારે ઘટનાની જાણ પોલીસને કરતા પોલીસ કાફલો પણ ઘટના સ્થળે આવી પહોંચ્યા હતો અને મૃતકોને પીએમ અર્થ ખસેડી આગળની કાર્યવાહી હાથ ધરવામાં આવી હતી. આ તરફ ઈજાગ્રસ્તને સારવાર અર્થે ખસેડવામાં આવ્યા જ્યારે અકસ્માતમાં મુત્યું પામનાર બે લોકોને પીએમ અર્થે ખસેડીને પોલીસે પરિવારજનોને જાણ કરતા પરિવારના શોકની લાગણી ફેલાઈ ગઈ હતી પરિવારમાં ભારે શોક સાથે મોતનો માતમ ફેલાઈ ગયો હતો.
રાજ્યમાં અકસ્માતના કિસ્સાઓનું પ્રમાણ વધ્યું
મહત્વનું છે કે અકસ્માતના કિસ્સો પાછળ વધુ પડતી સ્પીડ અને ડ્રાવિંગ સમયે બેદરકારી જવાબદાર હોય છે દેશ સહિત રાજ્યમાં અકસ્માતના કિસ્સાઓનું પ્રમાણ વધી રહ્યું છે અને તેમાં જાનહાનિ અને મોતના આંકડાઓમાં પણ સતત વધારો થઈ રહ્યો છે ત્યારે વાહન ચવાવતી વખતે સાવધાની એ જ સલામતની માર્ગ છે. વધુ પડતી સ્પીડ કે ડ્રાવિંગ સમયે ફોન પર વાત કરવું જોખમ રૂપ સાબિત થઈ શકે છે.