VIDEO / વડોદરાના ડોક્ટરને ક્લિનિક બંધ કરવા ધમકાવતા પડોશીઓનો વીડિયો વાયરલ

• વડોદરાના સમા વિસ્તારમાં તબીબ અને પડોશીની બબાલ
• તબીબને ક્લીનીક બંધ કરવા ધમકાવવાનો પરિવાર પર આક્ષેપ
• ડૉકટરની સોનોગ્રાફી અને એક્સ-રે ક્લીનીક છે

નોંધનીય છે કે,વડોદરાના સમા વિસ્તારમાં આવેલી સ્વાતિ સોસાયટીમાં રહેતા રેડીઓલોજીસ્ટ ડોક્ટર અને પડોશી વચ્ચે બબાલ થઇ હોવાનો એક વીડિયો વાયરલ થયો છે, જેમાં પડોશીઓ ડોક્ટરને  ક્લિનિક બંધ કરવા ધમકાવી રહ્યા છે. 

સોશિયલ મીડિયા પર વાયરલ થયો વીડિયો 

આ બનાવ અંગેની જાણ નજીકના પોલીસ મથકે થતાં જ પોલીસ સ્વાતિ સોસાયટીમાં આવી પહોંચી હતી અને સ્થાનિકોને ડૉક્ટરને પરેશાન ન કરવા જણાવ્યુ હતું. જો કે, વાયરલ થયેલા આ વીડિયોને લઇને સ્વાતિ સોસાયટીના રહીશો પર જોનારાએ ફિટકાર વરસાવી હતી. 

કોરોના વોરિયર્સને નડ્યા કરતા સહકાર આપવા વીટીવી કરી રહ્યું છે અપીલ 

એક તરફ કોરોના વાયરસનો કહેર સતત વધી રહ્યો છે અને ડોક્ટર, નર્સ, પોલીસકર્મીઓ તથા મીડિયાકર્મીઓ પોતાના પરિવારજનોની પણ ચિંતા કર્યા વગર નાગરિકોની સેવામાં અવિરત ઉભા છે ત્યારે VTV દ્વારા આ લોકોની મદદ કરવા લોકોની અપીલ કરવામાં આવે છે.