ગૌશાળાના સેવકે પોલીસને જાણ કર્યા બાદ બાળકની કસ્ટડી લેવામાં આવી હતી અને બાદમાં પોલીસે બાળકના માતા પિતાની શોધખોળ અને તપાસનો ધમધમાટ શરૂ કર્યો છે જો કે તપાસ દરમિયાન મોટો ઘટસ્ફોટ થયો છે.
ઘુમાના ફ્લેટમાં રહે છે શિવાંસની માસી
શિવાંસના કેસમાં એક પછી એક નવા ખુલાસા થઈ રહ્યા છે ત્યારે VTVની ટીમ શિવાંસના જન્મ સ્થળ પર પહોંચી હતી શિવાંસનો જન્મ 10 ડિસેમ્બર 2020માં થયો છે તથા તે જન્મથી જ તેની માસીના ઘરે રહે છે હાલમાં શિવાંસના માસી છેલ્લા 3 મહિનાથી ઘુમામાં આવેલા ફ્લેટમાં રહે છે મહત્વનું છે કે ગાંધીનગરમાં પોતાના બાળકને તરછોડનાર સચિન દિક્ષિત મામલે નવા ખુલાસાઓ સામે આવી રહ્યા છે સચિન દિક્ષિત વડોદરાની ઓઝોન કંપનીમાં નોકરી કરતો હતો ત્યારે સચિન દિક્ષિત જ્યાં નોકરી કરે છે તે કંપનીમાં પણ VTV ન્યૂઝ પહોંચ્યું હતું અને ત્યારે કંપની મેનેજરે આ મુદ્દે કંઈપણ કહેવાનો ઈન્કાર કરી દીધો હતો.
ગાંધીનગર પોલીસ મહેંદીની તપાસમાં લાગી
અહીં ઉલ્લેખનિય છે કે શિવાંશ કેસમાં મોટો ખુલાસો એ શિવાંસની માતા સાથે જોડાયેલો છે શિવાંસની માતા મહેંદી છેલ્લા આઠ દિવસથી ગૂમ હોવાનું જણાઈ રહ્યું છે ત્યારે મહેંદીની માસીએ મહેંદીને શોધવા પોલીસની માગી મદદ માંગી છે આખરે મહેંદી ક્યાં છે અને શું કરે છે તેની કોઇને પણ ખબર નથી, મહેંદીનો માસી સાથે આઠ દિવસથી કોઈ સંપર્ક નહીં થતા મહેંદીની માસીને હત્યાનો ડર પણ સતાવી રહ્યો છે તેમજ સચિન દિક્ષિત પર મહેંદીના પરિવારને હત્યા કરાયાની શંકા સેવી રહ્યા છે
સચિન દિક્ષિતે બે લગ્ન કર્યા હોવાનો થયો ખુલાસો
ગાંધીનગરનાં પેથાપુરમાં બાળકને ત્યજી દેવાના મામલે એક બાદ એક નવા ખુલાસાઓ થઈ રહ્યા છે. બાળક મળ્યાના 24 જ કલાકમાં ગાંધીનગર પોલીસે બાળકના પિતાને શોધી કાઢ્યો હતો. સેક્ટર 26માં રહેતો સચિન દીક્ષિત પોતાના જ બાળકને ગૌશાળામાં છોડીને ભાગી ગયો હોવાનું સામે આવ્યું હતું. જે બાદ આજે સવારે સચિન દીક્ષિત તથા તેની પત્નીની સઘન પૂછપરછ કરવામાં આવી હતી. બંને ગઇકાલે કોટામાં ઝડપાયા હતા જ્યાંથી તેમની ગાંધીનગર લાવવામાં આવ્યા હતા. જોકે આજે સચિનની પત્નીએ મોટો ખુલાસો કર્યો હતો કે બાળક તેનું નથી અને હવે સામે આવ્યું છે કે સચિને બે લગ્ન કર્યા હતા.
સચિને મહેંદી નામની યુવતી સાથે કર્યા હતા લવ મેરેજ
તપાસ બાદ સામે આવ્યું છે સચિન દીક્ષિતે મહેંદી નામની યુવતી સાથે લવ મેરેજ કર્યા હતા. સચિન મહેંદીની સાથે જ વડોદરામાં રહેતો અહતો અને શનિ-રવિવારે ગાંધીનગરમાં આવી જતો. સચિનનાં લગ્નની જાણ મહેંદીનાં પરિવારને પણ હતી જોકે ગાંધીનગરમાં રહેતી સચિનની પહેલી પત્નીને કોઈ જાણ ન હોવાનું સામે આવ્યું છે. નોંધનીય છે કે અત્યારે બાળકની સાચી માતા મહેંદી પણ ક્યાં છે તેની કોઈને જાણ નથી. મહેંદીનાં પરિવારે કહ્યું છે કે મહેંદી સાથે કોઈ સંપર્ક પણ નથી થઈ રહ્યો.