બોલીવુડની કેટલીક ફિલ્મોમાં પોતાના અભિનય અને સૌદર્યની સુંદરતાના કામણ પાથરનારી એમી જેક્સને હાલમાં તેના પ્રેમનો એકરાર કર્યો છે. એમીએ સોશિયલ મીડિયા દ્વારા તેના નવા રિલેશનશિપ પર મ્હોર લગાવી દીધી.
આ બોલીવુડ અભિનેત્રીએ તેના પ્રેમનો કર્યો એકરાર
એમીએ હોલીવુડ અભિનેતા એડ વેસ્ટવિક સાથેની તસ્વીર કરી શેર
એમીએ એડ વેસ્ટવિક સાથેના રિલેશનશિપ પર મારી મ્હોર
એમી જેક્સને તેના પ્રેમનો એકરાર કર્યો
આ પોસ્ટમાં એમીએ બોયફ્રેન્ડની સાથે તેની રોમેન્ટિક તસ્વીર શેર કરી છે. એમી જેકસન છેલ્લાં ઘણા દિવસથી હોલીવુડ અભિનેતા એડ વેસ્ટવિકની સાથે દેખાતી હતી. ચાહકો જાણવા માગે છે કે આખરે બંને વચ્ચે શું રંધાઈ રહ્યું છે. આ બધી અફવાઓ પર પૂર્ણ વિરામ લગાવીને પોતાના સંબંધનો સ્વીકાર કર્યો છે. એમી જેક્સને હાલમાં ઈન્સ્ટાગ્રામ પર એક રોમેન્ટિક તસ્વીર શેર કરી એડ વેસ્ટવિકની સાથે તેના સંબંધને સત્તાવાર જાહેર કરી દીધો છે. બીજી તરફ એડ વેસ્ટવિકે પણ આ સંબંધ પર પોતાની મ્હોર લગાવી છે.
એમી જેક્સન અને એડ વેસ્ટવિકની તસ્વીરો સોશિયલ મીડિયામાં હોબાળો મચાવી રહી છે. બંનેની જોડી પ્રશંસકોને ખૂબ પસંદ આવી રહી છે અને ચાહકો તેમને ભરપૂર શુભેચ્છા પાઠવી રહ્યાં છે. મહત્વનું છે કે એમી જેક્સનની સગાઈ પહેલા જ્યોર્જ પાનાયિયોટો સાથે થઇ હતી. તેમણે વર્ષ 2019માં સગાઈ કરી અને તે જ વર્ષે દંપત્તિએ પોતાના પુત્ર એન્ડ્રિયાસનુ સ્વાગત કર્યુ. પરંતુ જ્યોર્જ અને એમી ગયા વર્ષે અલગ થયા હતા અને તેની પુષ્ટિ ત્યારે થઇ જ્યારે અભિનેત્રીએ ઈન્સ્ટાગ્રામ પરથી જ્યોર્જની બધી તસ્વીરો હટાવી દીધી.