IPLIN
 

સવાલ / ચીની સામાનના બહિષ્કારનું ટ્વીટ કરવા પર અમૂલનું એકાઉન્ટ સસ્પેન્ડ, MD સોઢીએ કહ્યું- અમને જાણ કર્યા વિના...

Team VTV 12:38 AM, 07 Jun 20 | Updated: 09:41 AM, 07 Jun 20
Follow us
Amul Twitter account issue exit the dragon post MD Sodhi

ચીન અને ભારત વચ્ચે વિવાદની અસર અમૂલના ટ્વિટર એકાઉન્ટ પર પડી રહી છે. ટ્વિટરે ચીન પર બનેલા એક કાર્ટૂનને લઇને અમૂલનું ટ્વિટર એકાઉન્ટ સસ્પેન્ડ કરી દીધું છે. સોશિયલ મીડિયા યૂઝર્સ એકાઉન્ટ સસ્પેન્ડ થવા પર ભડક્યા હતા. જોકે બાદમા ટ્વિટર એકાઉન્ટ ચાલૂ થઇ ગયું. જોકે અમૂલ દ્વારા આ અંગે ટ્વિટરને સવાલ પણ કરવામાં આવ્યા છે.

  • 'એગ્ઝિટ ધ ડ્રેગન'નું અમૂલે બનાવ્યું કાર્ટૂન
  • ટ્વિટરે સસ્પેન્ડ કર્યું અમૂલનું એકાઉન્ટ
  • અમૂલના M.D આર.એસ સોઢીએ ટ્વિટરને કર્યા સવાલ

અમૂલ સોશિયલ મીડિયા પર છેલ્લા કેટલાક દિવસોથી ચીન વિરૂદ્ધ કૉમિક અંદાજમાં કાર્ટૂન કેમ્પેઇન ચલાવી રહ્યું હતું. અમૂલ ગર્લ સાથે એગ્ઝિટ ધ ડ્રેગનનું એક કાર્ટૂન બનાવ્યું જેમાં અમૂલ ગર્લ ડ્રેગનને બહાર ભાગડતી દેખાઇ રહી છે. અમૂલ ચીનના સામાનનો બહિષ્કાર કરવા માટે પણ કેમ્પેઇન ચલાવી રહ્યું છે. કેમ્પેઇનને લઇને અમૂલનું ટ્વિટર એકાઉન્ટ સસ્પેન્ડ કરી દેવામાં આવ્યું છે. જોકે બાદમાં @Amul.coopનું એકાઉન્ટ ખુલી ગયું.

વગર કોઈ નોટિસે અચાનક ટ્વિટર એકાઉન્ટ બંદ થવાથી અમૂલ કંપની પણ અચંબામાં છે. જીસીએમએમએફના મેનેજિંગ ડિરેક્ટર આર. એએસ સોઢીએ ટ્વિટરને આ અંગે સવાલ પણ કર્યા છે.

કોઇ જાણ વિના કરાયું બ્લોકઃ અમૂલ

અમૂલના ટ્વીટર હેન્ડલને બ્લોક કરવા મામલે આર.એસ સોઢીએ કહ્યું કે, અમે ટ્વિટરને પૂછ્યું છે કે કોઈપણ જાણકારી વિના ટ્વીટર હેન્ડલ બ્લોક કેમ કર્યું? તેમણે અમને જાણ કરવી જોઇતી હતી. 4 જૂને થોડા સમય માટે ટ્વીટર હેન્ડલ બ્લોક કરાયું હતું. જોકે આ મામલે હજુ સુધી ટ્વિટર તરફથી કોઇ પણ પ્રકારની કોઈ પ્રતિક્રિયા સામે નથી આવી. 

મહત્વનું છે કે ટ્વિટરે 3 જૂને એક કાર્ટૂન ટ્વીટ કર્યું હતું અને અમૂલના ટ્વિટર પર કાર્ટૂનમાં 'એક્ઝિટ ધ ડ્રેગન' લખેલું હતું. ચીનની પ્રોડક્ટ બોયકોટ કરવાને લઈ ટ્વીટ કરાયું હતું.

Amul Twitter exit the dragon અમૂલ ટ્વિટર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ