અલગ અલગ પ્રસંગો પર ક્રિએટિવ પોસ્ટ કરવા માટે જાણીતુ છે અમૂલ. અમૂલ ફરી એક વાર પોસ્ટને લઈને ચર્ચામાં છે . હકિકતમાં ગૂગલના સીઈઓ સુંદર પિચાઈએ ભારતમાં 10 મિલિયમ ડૉલરનું રોકાણ કરવા કહ્યું છે. જે 5થી 10 વર્ષ માટે રહેશે. તેના પર અમૂલે પોસ્ટ કરતા કહ્યું છે કે ટેક કંપની ભારતની અર્થ વ્યવસ્થાને ગતિ આપવા માટે ડિજિટલીકરણની જાહેરાત કરી છે.
સુંદર પિચાઈ અને અમૂલની જાણીતી છોકરી એક સાથે આનંદ માણી રહ્યા છે
4600થી વઘારે લાઈક અને 700થી વધારે વાર રીટ્વીટ કરી ચૂક્યા છે
ટેક કંપની ભારતની અર્થ વ્યવસ્થાને ગતિ આપવા માટે ડિજિટલીકરણની જાહેરાત કરી
આ સાથે જ અમૂલ ટ્વીટર પર એક ફોટો શેર કરતા કહ્યું છે કે જેમાં સુંદર પિચાઈ અને અમૂલની જાણીતી છોકરી એક સાથે આનંદ માણી રહ્યા છે . આ તસ્વીરની કેપ્શનમાં લખ્યુ છે કે, “Pichai aur India ki Googlebandi!”
અમૂલના આ ટ્વીટ પોસ્ટને અત્યાર સુધી 4600થી વઘારે લાઈક અને 700થી વધારે વાર રીટ્વીટ કરી ચૂક્યા છે. તેના પર ઘણા બધા લોકોએ કમેન્ટ પણ કરી છે. કોઈ તેની પોસ્ટના વખાણ કરી રહ્યા છે તો કોઈ સવાલ કરી રહ્યા છે.
ઉલ્લેખનીય છે કે ગૂગલ અને અલ્ફાબેટના સીઈઓ સુંદર પિચાઈએ કહ્યું કે તે ડિજિટલ ઈન્ડિયામાં ગૂગલ આવનારા 5-10 વર્ષમાં 75000 કરોડનું રોકાણ કરશે. ગૂગલનું આ રોકાણ ઇક્વિટી ઈન્વેસ્ટમેન્ટ, પાર્ટનરશીપ અને ઓપરેશનલ ઇન્ફ્રાસ્ટ્રક્ચર ઇકોસિસ્ટમ ઉદ્યોગમાં થશે. ગૂગલે સીબીએસઈ સાથે ભાગીદારીની જાહેરાત કરી જે અંતર્ગત ઈ-લર્નિંગને વધારવમાં આવશે અને દેશની 22 હજાર શાળાઓના 10 લાખ શિક્ષકોને ઈ-ક્લાસની ટ્રેનિંગ આપવામાં આવશે.