આણંદઃ અમુલ દ્વારા દૂધના ભાવમાં વધુ એક વખત ઘટાડો કરાતા પશુપાલકોમાં રોષની લાગણી ભભુકી ઉઠી છે. દૂધ ખરીદ ભાવમાં અમુલે એક મહિનામાં સતત બીજી વખત ઘટાડો કર્યો છે. ભેંસના દૂધમાં પ્રતિકિલો ફેટે રૂપિયા 20નો ઘટાડો કરાયો છે. તો ગાયના દૂધમાં પ્રતિકિલો ફેટે રૂપિયા 13.8નો ઘટાડો કરવામાં આવ્યો છે.
મહત્વનું છે કે પશુપાલકોએ અગાઉ પણ ભાવ ઘટાડાને લઈને વિરોધ પ્રદર્શનો કર્યા છે. તેવામાં રાહત આપવાને બદલે બદલે અમુલ દ્વારા વધુ એક વખત ખરીદ ભાવમાં ઘટાડો કરાતા. પશુપાલકોમાં રોષ જોવા મળી રહ્યો છે.
અમુલ દ્વારા દૂધ ખરીદ ભાવમાં ઘટાડો કરવાની જાહેરાત કરવામાં આવી છે. ત્યારે આણંદ ખેડા અને મહીસાગર જિલ્લાના લાખો પશુપાલકો પર સીધી અસર થશે.
જો કે આ નિર્ણયથી પશુપાલકોમાં પણ રોષ જોવા મળ્યો છે. અમૂલ દૂધના ભાવમાં ઘટાડો કરતા લાખો પશુપાલકોને નુકશાન થશે તેવી ભીતી સર્જાઇ રહી છે. આમ દૂધના ખરીદ ભાવમાં અમૂલ દ્વારા ઘટાડો કરવામાં આવતા પશુપાલકોમાં નારાજગી જોવા મળી રહી છે. આની સીધી અસર અનેક જિલ્લાના પશુપાલકોને થશે.
ઉલ્લેખનીય છે કે આ પહેલા અમૂલ દ્વારા પ્રતિકીલો ફેટે રૂ.20નો ઘટાડો કરવામાં આવ્યો હતો. ત્યારે હાલ ભેંસના દૂધમાં પ્રતિકિલો ફેટે 20 રૂપિયાનો ઘટાડો કરાયો છે અને ગાયના દૂધમાં પ્રતિકિલો ફેટે 13.8 રૂપિયાનો ઘટાડો કરવામાં આવ્યો છે.