લોન્ચિંગ / હવે ગુજરાતની આ બ્રાન્ડ પેપ્સી-કોકાકોલાને પણ આપશે ટક્કર, લોન્ચ કર્યા મિલ્ક બેઝ્ડ કાર્બોનેટેડ પીણાં

• પેપ્સી-કોકાકોલાને ટક્કર આપવા અમૂલે કાર્બોનેટેડ સોફ્ટ ડ્રિંક માર્કેટ લોન્ચ કર્યું
• અમૂલે ભારતના બજારમાં સૌ પ્રથમ ટ્રુ સેલ્ટઝર લોન્ચ કર્યુ
• અમૂલ ટ્રુ સેલ્ટઝર હાલ લેમન અને ઓરેન્જ એમ બે ફ્લેવરમાં ઉપલબ્ધ

અમૂલ દેશની સૌથી મોટી ડેરી બ્રાંડ છે. થોડા દિવસો અગાઉ જ અમૂલ દ્વારા રોગ પ્રતિકારક શક્તિમાં વધારો કરે તેવા હલ્દી, આદુ અને તુલસીવાળા દૂધ તૈયાર કર્યા હતા. ત્યારે હવે અમૂલે ભારતના બજારમાં સૌપ્રથમ ટ્રુ સેલ્ટઝર રજૂ કર્યું છે. ભારતનું આ પ્રથમ અમૂલ ટ્રુ સેલ્ટઝર હાલ બે ફ્લેવર ઓરેન્જ અને લેમનમાં ઉપલબ્ધ છે.

A revolutionary product developed by Amul team frist time in India based on pure natural ingredients...see the TV commercial , it's also different . @girirajsinghbjp https://t.co/lhxnN7uT1X

— R S Sodhi (@Rssamul) October 18, 2020

લેમન, ઓરેન્જ બાદ બીજા પણ ફ્લેવર લોન્ચ કરશે અમૂલ

જોકે ગુજરાતના બજારમાં આ અઠવાડીયે લેમન અને ઓરેન્જ ફલેવર લોન્ચ કરશે. ત્યારબાદ અમૂલ કોલા, જીરા અને એપલ જેવાં બીજા પણ અનેક વેરીયન્ટ રજૂ કરશે. પ્રારંભિક તબક્કે અમૂલે આ બે ફ્લેવર ગુજરાતની બજારમાં લોન્ચ કર્યા છે અને ટૂંક સમયમાં દેશના અન્ય ભાગોમાં પણ તેને લોન્ચ કરવામાં આવશે.

અમૂલે અગાઉ વિવિધ પ્રકારના પીણા બજારમાં લોન્ચ કર્યા હતા

અમૂલના જણાવ્યા અનુસાર નવી પેઢીની પસંદગી માટે અમૂલે ફ્રૂટ જ્યુસ અને મિલ્ક સોલીડઝ ઉમેરી કાર્બોનેટેડ પીણુ બનાવેલ છે. અમૂલ બ્રાન્ડ ફ્લેવર્ડ મિલ્ક ક્ષેત્રનાં પીણાંમાં માર્કેટ લીડર છે તેમના દ્વારા વિવિધ પ્રકારના ફલેવર્ડમિલ્ક, કોલ્ડ કોફી, મિલ્ક શેક, સ્મુધીઝ,કઢાઈ દૂધ, ગોળ દૂધ, હની દૂધ, ઉપરાંત રોગપ્રતિકાર શક્તિમાં વધારો કરતાં હલ્દી દૂધ, તુલસી દૂધ, જીંજર (આદુ) દૂધ, અશ્વગંધા દૂધ અને ડેરી આધારિત મોકટેઈલ્સ તેમજ છાશ અને લસ્સી જેવાં પરંપરાગત પીણાંનો અસરકારક પોર્ટફોલિયો ધરાવે છે.